Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda drıft áýesqoıy jaýapkershilikke tartyldy

2021 jyldyń 29 shilde 2021 04:50

TARAZ. QazAqparat – Taraz qalasynda drıft áýesqoıy jaýapkershilikke tartyldy, dep habarlaıdy QazAqparat tilshisi.

Áleýmettik jelilerge monıtorıng júrgizý barysynda Taraz qalasynyń polıtseıleri VAZ21703 markaly kólik júrgizýshisiniń Jánibek pen Kereı han eskertkishterine jaqyn jerde drıft jasaǵan vıdeony anyqtady.

Taraz qalasy Polıtsııa basqarmasynyń qyzmetkerleri kóp uzatpaı kólik júrgizýshisin ustady.

«Oblys ortalyǵynyń turǵyny Qazaqstan Respýblıkasy Ákimshilikquqyq buzýshylyq týraly kodekstiń 590-baby 2-bóligi (Memlekettik tirkeý nómiri belgilerinsiz kólik quralyn basqarý), Qazaqstan Respýblıkasy Ákimshilik quqyq buzýshylyq týraly kodekstiń 630-baby 1-bóligi ( Joldardy búldirý), 596-baby 1-bóligi (Jol júrisi qaǵıdalaryn buza otyryp, jaıaý júrginshiler joldarymen, jol jıekterimen nemese trotýarlarmen júrý) boıynsha ákimshilik

jaýapkershilikke tartyldy»,- delingen polıtsııa departamenti baspasóz qyzmetiniń habarlamasynda.

Polıtsııa qyzmetkerleri ekstremaldy júrgizýdi unatatyndarǵa oılanbaı istelgen áreketter qaıǵyly jaǵdaıǵa ákelýi múmkin ekenin eskertedi.

Aıta keter bolsaq, tártip saqshylary kún saıyn túrli quqyq buzýshylyqtardy anyqtaý úshin áleýmettik jelilerge monıtorıng júrgizedi.


Joǵary qaraı