Aýa raıy
Astana 14 °S
Almaty 11 °S
valıýta baǵamy
USD 405.69
EUR 455.51
RUB 5.72
CNY 57.42

Tarazda buǵan deıin jóndeý kórmegen 85 kóshege asfalt tóselýde

2019 jyldyń 20 qazan 2019 06:37

TARAZ. QazAqparat –Taraz qalasynda 85 kóshe men burylystarda jóndeý jumystary júrgizilip, asfalt jabyndysy tóselinýde, dep habarlaıdy QazAqparat tilshisi.

Atalǵan jóndeý jumystarynyń basyna oblys ákimi Asqar Myrzahmetov senbi kúni arnaıy baryp, qurylys sharalarymen tanysty. Aımaq basshysy aldymen qaladaǵy «Taıvan» alqabyndaǵy jol salý jumystaryn kórdi.

Aıta keteıik, shahardyń ońtústik-batys bóligindegi basym aýmaqty alyp jatqan «Taıvan» alqabynda barlyǵy 18 kóshe bolsa, onyń uzyndyǵy 27,7 shaqyrymdy quraıdy. Mundaǵy kóshelerdi jóndeý jumystaryna burylystarymen qosa eseptegende 481 mıllıon 564 myń teńge qarjy qarastyrylǵan. Qazirgi tańda alqaptaǵy 18 kósheniń 14 kóshesindegi jóndeý jumystary tolyǵymen aıaqtalýǵa jaqyn.

«Taraz qalasynda jalpy uzyndyǵy – 78,022 shaqyrym jol jóndelýde. Ol degenimiz, 138 kóshe jáne burylystar men tuıyqtar. 85 ýchaskede asfalttaý jumystary júrgizilýde. 20 kóshe jáne 3-burylysqa asfalt jabyndysy tóselip, aıaqtalýǵa taıaý. 46 kóshe men 14-burylysqa, sondaı-aq 2-tuıyqqa asfalt jabyndysyn tóseýge daıyndyq pysyqtalýda»,-deıdi Taraz qalasynyń ákimi Qaırat Dosaev.

Avtor Janǵazy Ahmetov
Basty sózder: Jambyl oblysy, Ákim, Qurylys, Kólik,
Joǵary qaraı