Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda «Anaǵa taǵzym» respýblıkalyq analar forýmy ótti

2021 jyldyń 18 qarasha 2021 07:24

TARAZ. QazAqparat – Taraz qalasynda «Anaǵa taǵzym» respýblıkalyq analar forýmy ótti, - dep habarlaıdy QazAqparat tilshisi.

«Anaǵa taǵzym» respýblıkalyq analar forýmynyń ashylýynda Jambyl oblysynyń ákimi Berdibek Saparbaev QR memlekettik hatshy Qyrymbek Kósherbaevtyń quttyqtaý hatyn oqyp berdi.

El Táýelsizdiginiń 30 jyldyǵyna arnalǵan shara «Kóne Taraz» tarıhı-etnomádenı kesheninde uıymdastyryldy.

Oǵan elimizdiń túkpir-túkpirinen kelgen qurmetti qonaqtar–elimizdiń áleýmettik-ekonomıkalyq, mádenıet, sport, bıznes, bilim men ǵylymnyń damýyna úles qosyp júrgen áıelder, tanymal názik jandylar, kóp balaly analar qatysty.

Aımaq basshysy jýyrda ǵana Taraz qalasynda boı kótergen «Anaǵa taǵzym» ortalyǵy qazaq halqynyń salt-dástúrin eskere otyra áıeldiń otbasyndaǵy rólin kúsheıtýge, bolashaq analardy tárbıeleýge baǵyttalatynyn jetkizdi.

Forým bastalmas buryn keshendi aralap, tanysqan qonaqtar da qolǵa alynyp jatqan ıgi jumystarǵa oń baǵasyn berdi.

«Búgingi «Anaǵa taǵzym» forýmy sulýlyq pen izgiliktiń beınesi sanalyp, sondaı-aq, tutas elimizdiń damýyna uıytqy bolar Qazaqtyń anasy degen atqa laıyq, XXI ǵasyr áıeliniń qalyptasýyna óz úlesin tıgizedi dep oılaımyn.

Qazaqta «Áke uldy tárbıeleıdi, ana tutas ultty tárbıeleıdi» degen qanatty sóz bar.

Rasynda, ana balasyna bergen tárbıesi arqyly bolashaqtyń qalyptasýyna da yqpal etedi.

Sizder elimizdiń damýy men órkendeýine, qoǵamdyq-saıası jáne rýhanı áleýetin iske asyrýǵa belsendi atsalysyp kelesizder.

Qazirgi kezde bizdiń oblysymyzda 36 629 asa kópbalaly ana bar bolsa, onyń 19 212-i «Altyn» jáne «Kúmis» alqa ıegerleri. Atameken kásipkerlik palatasy janynan qurylǵan «Іsker áıelder» keńesine 25-ten astam kásipker áıelder múshelik etýde.

Oblystyq depýtattyq korpýsynyń –33 - paıyzyn áıel-azamatshalar quraıdy. Qazaqtyń osyndaı myqty arýlary barda eldiń erteńine degen senimimiz arta túsetini sózsiz»,- dedi Berdibek Saparbaev.





Budan soń sóz alǵan Qazaqstan halqy Assambleıasy Respýblıkalyq analar keńesiniń tóraıymy, Qazaqstan Respýblıkasy Premer-Mınıstriniń keńesshisi Názıpa Shanaı da óz oıyn ortaǵa saldy.

Sharanyń mańyzyn tilge tıek etip, ana men balany qoldaý, otbasylyq qundylyqtardy nyǵaıtý jáne damytý – memlekettiń áleýmettik saıasatynyń basty baǵyttarynyń biri ekendigin basa aıtty.

«Áıeldiń basty mıssııasy – dúnıege urpaq ákelý. Uıada bala ne kórse, úlken ómirge qanat qaǵyp ushqanda sony isteıdi. Bala tárbıesinde ananyń rólin aıtyp jetkizý múmkin emes»,-dedi N. Shanaı.

Qoǵam qaıratkeri, meleketttik tildiń janashyry Asyly Álıqyzy Osman urpaq tárbıesi taqyrybynda sóz qozǵady.




«Búgingi ótip jatqan forýmnyń erekshe máni bar. Dál osy qoǵamda qazaqtyń boıyna bitken asyl qasıetteri bizden alshaqtap bara jatyr. Sol alshaqtyqtyń ornyn toltyrýǵa analar úlken úles qosady. Tálim-tárbıe ananyń aq sútimen, besik jyrymen balanyń boıyna darıdy.

Uly tulǵalarda aq jaýlyqty analardyń tálimin alady. Meniń paıymymsha, búgingi qoǵamda eń aldymen tárbıege basymdyq berý qajet. Ol – ulttyq tárbıe bolýy tıis. ıAǵnı, bilim – álemdik, tárbıe – ulttyq bolǵany jón. Qazaqtyń bilimi de, biligi de asyp tur.

«Atadan - ósıet, anadan qasıet degen ataly sóz bar. Óne boıy danalyqqa, aqyly darııadaı ata-ájelerimiz árbir shańyraqta, óńirde bar. Qazaqtyń salt-dástúrin, ádet-ǵurpyn saqtaǵan januıalar da jeterlik. Biz sol otbasylardy, qarııalarymyzdy qoǵamǵa, jastarǵa nasıhattaýymyz tıis – dep atap ótti Memleket jáne qoǵam qaıratkeri, «Úsh baılyq» qoǵamdyq birlestiginiń tóraıymy Orazkúl Asanǵazyqyzy.





Budan soń aqyn, Memlekettik syılyq ıegeri Aqushtap Baqtygereeva, QR Áıelder kúshteri jáne Qazaqstan isker áıelderi qaýymdastyǵynyń prezıdenti Raýshan Sársembaeva, Túrkııa elinen arnaıy kelgen Býrsa aımaǵyndaǵy aýyl áıelderi qaýymdastyǵynyń tóraıymy Sermın Chakalyoglý, belgili etnodızaıner, «Altyn orda» dızaın úıiniń negizin qalaýshy Yrza Tursynzada, Atyraý oblysy ákiminiń orynbasary Baqytgúl Hamenova, Qazaq ulttyq pedagogıkalyq qyzdar ýnıversıtetiniń rektory Gúlmıra Qanaı, belsendisi, kópbalaly ana Altyn Kanıkar jáne taǵy basqalar sóz alyp, oı-usynystaryn bildirdi.




Aımaq basshysy Berdibek Saparbaev aıtylǵan barlyq usynystar nazarǵa alynatynyn aıtty.











Avtor Saıa Sembaı
Basty sózder: Jambyl oblysy, Otbasy,
Joǵary qaraı