Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tarazda 600 oqýshyǵa arnalǵan jańa mektep ashyldy

2022 jyldyń 21 qańtar 2022 08:25

TARAZ. QazAqparat – Taraz qalasynda 600 oryndy jańa mektep paıdalanýǵa berildi, dep habarlaıdy QazAqparat tilshisi.

Taraz qalasy «Shalǵaı Qarasý» alqabyndaǵy 600 oryndy jańa mekteptiń qurylysy jergilikti turǵyndardyń ótinishine sáıkes júzege asyp otyr.

Jobalyq quny 2,1 mlrd. teńgeni quraıtyn nysandy merdiger – «TemirStroıServıs» JShS salǵan.

Oblys ákimi Berdibek Saparbaev ata-analar men oqýshylardy qýanyshymen quttyqtady.

«Árbir eldiń bolashaǵy, damýy – onyń bilimdi, sanaly, densaýlyǵy myqty jastaryna baılanysty. Bizdiń elimizde osyǵan aıryqsha den qoıylǵan. El Prezıdenti Qasym-Jomart Toqaevtyń Jarlyǵymen bekitilgen 10 Ulttyq jobada da bul baǵytqa basa nazar aýdarylǵan. Memleket basshysynyń tapsyrmasyna sáıkes oblysymyzda kóptegen áleýmettik nysandar boı kóterýde. Sońǵy eki jyldyń ózinde óńirimizde 41 jańa mektep paıdalanýǵa berildi. Bıyl 24 mektep salý josparlanǵan»,- dedi aımaq basshysy.




Atalǵan oqý ordasynda 700-den astam bala bilim alatyn bolady. Nysan modıfıkatsııalyq kabınettermen, 200 oryndyq ashana, 130 oryndyq májilis zaly jáne keń sport zalmen qamtylǵan.

Mekteptiń ishki jáne syrtqy bezendirilýiniń mazmunyna aıryqsha nazar aýdarylýda.

«Jańa mektep bizdiń alqap turǵyndary úshin tamasha tartý boldy. Buǵan deıin balalarymyz jan-jaqqa sabylyp, avtobýspen tasymaldanyp alys mektepterde oqyǵan edi. Endi, mine, úıimizdiń qasyndaǵy záýlim, zamanaýı oqý ordasynda bilim alatyn bolady. Bul úshin Memleket jáne oblys basshylyǵyna degen rızashylyǵymyzdy jetkizgim keledi»,- deıdi ata-analar atynan sóz alǵan turǵyn Kishkenbaı Aıtbaev.





Avtor Saıa Sembaı
Basty sózder: Jambyl oblysy, Bilim, Oqýshy, Bala, Mektep,
Joǵary qaraı