Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda 45 páterli turǵyn úı paıdalanýǵa berildi

2021 jyldyń 11 qazan 2021 20:12

TARAZ. QazAqparat – Tarazda 15 shaǵyn aýdanda «Nurly jer» baǵdarlamasy aıasynda boı kótergen 5 qabatty úı paıdalanýǵa berildi. Oblys ákimi Berdibek Saparbaev qonys toı ıelerin quttyqtady, dep habarlaıdy QazAqparat tilshisi.

Turǵyn úıdiń qurylysy ótken jyly bastalǵan bolatyn. Joba quny – 442,405 mıllıon teńge. Bas merdiger – «Bınom» JShS. Turǵyn úı barlyǵy eki bólmeli 45 páterden turady.

Bul kúni jańa páterdiń kiltine ıe bolǵandardyń qatarynda jetim balalar, múmkindigi shekteýli jandar, tolyq emes jáne az qamtylǵan otbasylar, basqa da áleýmettik osal toptaǵy azamattar bar.

«Elimizde qoljetimdi baspana máselesin sheshýge aıryqsha kóńil bólingen. Bul ishki saıasatymyzdyń basym baǵyttarynyń biri. Memlekettik baǵdarlamalardyń arqasynda oblysymyzda myńdaǵan otbasy baspanamen qamtyldy. Bıyl 50 kóppáterli úıdi paıdalanýǵa berý josparlansa, onyń 32-si berildi. Bizdiń oblysta turǵyndardy turǵyn úımen qamtamasyz etý máselelerin tıimdi sheshý maqsatynda «Asarlatyp úı salý» jobasy belsendi iske asýda. Jyl sońyna deıin jambyldyqtardyń kúshimen 138 úı salynady, onyń 15-i Tarazda. Aldymyzda qonys toılar kóp. Búgingi qýanysh ıelerin quttyqtaımyn, shańyraqtaryńyz shattyqqa tolsyn», - dedi oblys ákimi.




Aımaq basshysy óz sózinde 15-shaǵyn aýdanda úlken mektep salynatynyn aıtty.

Bes balanyń anasy Záýre Jańalaqova 10 jyl boıy baspana kezeginde turǵanyn jetkizdi.

«Balalarym jańa úıge kóshkenshe asyǵýda. Búgin meniń otbasym úshin eń baqytty kún. El basshylyǵyna qamqorlyqtary úshin alǵysymyzdy bildiremiz», - dedi ol.

Balalar úıiniń tárbıelenýshisi Elına Marchenko da óz qýanyshymen bólisti.

«Men bul páterdi 10 jyl boıy kúttim. Shynymdy aıtsam, áli sene almaı turmyn», - deıdi ol.

Aıta ketý kerek, aǵymdaǵy jyldyń 8 aıynda 372,9 myń sharshy metr turǵyn úı paıdalanýǵa berildi, bul ótken jyldyń sáıkes kezeńimen salystyrǵanda 6 paıyzǵa artyq.








Avtor Saıa Sembaı
Basty sózder: Qurylys, Jambyl oblysy, Turǵyn úı,
Joǵary qaraı