Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taraz kóshelerine 14 «aqyldy baǵdarsham» ornatyldy

2021 jyldyń 15 qazan 2021 06:33

TARAZ. QazAqparat – Taraz qalasy kósheleriniń 14 negizgi qıylysyna «Aqyldy baǵdarsham» ornatyldy, dep habarlaıdy QazAqparat tilshisi.

Jol qozǵalysy qaýipsizdigin qamtamasyz etý jáne apatty azaıtý maqsatynda jambyldyq Ákimshilik polıtsııa basqarmasy óńirdiń avtojoldaryna 1 508 tekserý júrgizgen.

Bul rette 11 492 shaqyrym jol qamtylyp, 9500-ge jýyq aqaý anyqtaldy.

Oǵan qosa, berilgen nusqamalar aıasynda 3 114 jol belgisi ornatylǵan, 6 800 shaqyrymnan asa jol tańbalary syzylǵan, 154 myń sharshy metr shuńqyr jóndelgen.

46 jol býferi aýystyrylǵan, 1 660 sıgnal baǵanasy men 8 515 katafot ornatylǵan.

Bul týraly Jambyl oblysy PD ákimshilik polıtsııa basqarmasynyń bastyǵy Jaıdarbek Quttybaev aıtyp berdi.

Onyń aıtýynsha, avtokólik joldaryna durys qyzmet kórsetpegeni jáne jol qozǵalysy qaýipsizdigin qamtamasyz etpegeni úshin aımaqtaǵy 190 laýazymdy tulǵa ákimshilik jaýapkershilikke tartylǵan eken.

Odan bólek, Taraz qalasy ákimdiginiń turǵyn-úı kommýnaldyq sharýashylyq, jolaýshylar kóligi jáne avtomobıl joldary bólimi, Merki aýdany, T.Rysqulov aýyldyq okrýgi ákimdikteri 3 mıllıon 71 myń teńgeni quraıtyn aıyppul tólegen.

«Búginde jol qozǵalysyn uıymdastyrýdyń tehnıkalyq quraldaryn damytýǵa jáne jol-kólik oqıǵalarynyń aldyn alýǵa baǵyttalǵan jumystar júrgizilýde. Máselen, Taraz qalasynyń Abaı, Tóle bı jáne Táýke han ortalyq kóshelerinde qaýipsizdik araldary qyzyl túske boıaldy, bul kólik aǵynynyń qozǵalysyn jaqsyraq úılestirýge múmkindik beredi. Avtokólikti ótkizý qabiletin arttyrý maqsatynda toqtaýǵa tyıym salatyn ýchaskelerge sary tústi jol tańbasy salyndy. Táýke han – B.Momyshuly kósheleriniń qıylysyna kólik quraldarynyń qaýipsiz burylýyn qamtamasyz etetin jol tańbasy qoıyldy. Qalanyń 14 negizgi qıylysynda «Aqyldy baǵdarsham» ornatyldy, olar retteý tsıkldaryn avtomatty rejımde júktemege saı ózgertip otyrady», – dedi Jaıdarbek Kádirbekuly.

Ol janýarlardyń joldyń júrý bóligine shyǵyp ketpeýi «Batys Evropa – Batys Qytaı» avtojolynyń 2 ýchaskesine, ár baǵytta 3 shaqyrymnan «Elektrpastýh» qurylǵysy ornatylǵanyn aıtty.

ıAǵnı, mal «Elekropastýh» qorshaýyna tıgende elektr toǵynyń soǵýyn sezedi.

Joǵary qaraı