Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Talǵardaǵy balabaqshada qaıtys bolǵan balanyń ólimi jaıly qosymsha derekter paıda boldy

2021 jyldyń 29 qarasha 2021 13:30

TALDYQORǴAN. QazAqparat - Almaty oblysynyń Talǵar qalasynda jekemenshik balabaqshada bolǵan búldirshinniń ólimi týraly keıbir derekter belgili boldy, dep habarlaıdy QazAqparat tilshisi.

Talǵar aýdany ákiminiń baspasóz qyzmetiniń málimetinshe, qaıǵyly oqıǵa «Talǵar-Nuráli» JShS tıesili «Búldirshin» balabaqshasynda oryn alǵan.

Balabaqsha qyzmetkerleriniń aıtýynsha, 26 qarashada saǵat 15.20 shamasynda bala túski astan keıingi uıqydan oıanbaǵan. Qyzmetkerler birden jedel-járdem shaqyrtyp, balanyń ata-anasyna habar bergen.

«Jedel shaqyrtýǵa shyqqan jedel-járdem qyzmet brıgadasy balanyń ata-anasyn balabaqshanyń kireberisinde kezdestirdi. Óıtkeni, balabaqsha qasynda turatyn ata-ana balany baqshadan alyp, jedel-járdemniń aldynan shyqqan»,- delingen vedomstvonyń habarlamasynda.

Búldirshin 2017 jyly týǵan.

Aldyn ala málimet boıynsha, balanyń tamaǵyna belgisiz zat turyp qalǵan. Polıtsııa qylmystyq is qozǵady. Tergeý júrip jatyr.

Bul jaǵdaı belgili bola sala, oqıǵa ornyna aýdan ákiminiń orynbasary men bilim bóliminiń jetekshisi jetti.

«Talǵar aýdany ákimdigi qaıǵyly oqıǵaǵa baılanysty sábıdiń ata-anasy men jaqyndaryna qaıǵyryp kóńil aıtady.

«Búldirshin» balabaqshasy 2015 jyly ashylǵan. Qyz bala 2020 jylǵy 8 jeltoqsanda balabaqshaǵa qabyldanǵan»,- dep tolyqtyrdy atalǵan vedomstvonyń baspasóz qyzmetinen.

Esterińizge sala keteıik , 26 qarasha kúni balabaqshada 4 jastaǵy qyzdyń qaıtys bolǵanyn habarlaǵan bolatynbyz.

Polıtsııanyń aqparatyna sáıkes, balanyń tamaǵynan plastmass zat tabylǵan. Qazir is qozǵalyp, tergeý júrip jatyr.



Avtor Samal Qabysheva
Basty sózder: Ákimdik, Oqıǵa, Almaty oblysy,
Joǵary qaraı