Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Talǵarda 13 jasar qyzyn azaptap óltirgen ógeı áke Almatydan ustaldy

2021 jyldyń 25 shilde 2021 22:37

TALǴAR. QazAqparat - Almaty oblysynda 13 jasar ógeı qyzyn óltirdi dep kúdikke ilingen 47 jastaǵy turǵyn ustaldy, dep habarlaıdy QazAqparat.

Oblystyq polıtsııa departamenti taratqan málimetke sensek, 23 shildede Talǵar qalasyndaǵy jeke úılerdiń birinen 13 jasar qyzdyń múrdesi tabylǵan.

Marqumnyń denesinde azaptaý belgileri bar.

Bul fakt Qylmystyq kodekstiń 99-baby 3-bólimi boıynsha tirkeldi.

Oqıǵa ornyna kelgen jedel tergeý toby qyzdyń 47 jastaǵy ógeı ákesiniń osy asa aýyr qylmysqa qatysy bar ekenin anyqtady.

Keıin anyqtalǵandaı, bul er adam qyzdyń anasymen azamattyq nekede turǵan.

Jedel izdeý sharasy kezinde oqıǵa ornynan qashyp ketken kúdikti Almaty qalasynda qolǵa tústi.

Qazirgi tańda ustalǵan adam ýaqytsha ızolıatorǵa qamalǵan. Sotqa deıingi tergeý júrip jatyr.

Qylmystyq-protsessýaldyq kodekstiń 201-babyna sáıkes, polıtsııa tergeý múddesine baılanysty basqa aqparatty jarııalaı almaıdy.

Polıtsııanyń málimetine sensek, elimizde balalarǵa qatysty qylmystyń 70 paıyzyn onyń óz aınalasyndaǵy jaqyn adamdar jasaıdy.

Bul - olardyń ákesi, ógeı ákesi, anasymen birge turatyn er adamdar, týystar, kórshiler, tanystar.


Avtor Janat Qapalbaeva
Basty sózder: Oqıǵa, Almaty oblysy, Zań,
Joǵary qaraı