Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Talǵar aýdanynda órtten úısiz qalǵan 34 adam úshin jańa baspana salynady - ákimdik

2021 jyldyń 2 jeltoqsan 2021 17:36

TALDYQORǴAN. QazAqparat - Almaty oblysynyń Tóńkeris aýylynda órtten zardap shekkenderge jańa úı salynady, dep habarlaıdy QazAqparat tilshisi.

Bul týraly Talǵar aýdanynyń ákimi Qaıdar Ábdihanov málimdedi.

Órtengen páterlermen birge órtten aman qalǵan baspana da túgel súriletin boldy. Mamandar bolashaq qurylystyń jobasyn jasaýǵa kirisip ketti.

«Qarjy kólemi qajetti qurylys materıaldary eseptelip bolǵan soń belgili bolady», - delingen Talǵar aýdany ákiminiń baspasóz qyzmetiniń habarlamasynda.

Esterińizge sala keteıik, 30 qarasha kúni Talǵar aýdanyna qarasty Tóńkeris aýylynda 8 páterli úı órtenip, 34 adam úısiz qalǵan bolatyn.

Almaty oblystyq tótenshe jaǵdaılar departamentiniń málimeti boıynsha, úıdiń órtenýine elektr jelisiniń qysqa tuıyqtalýy sebep bolǵan.


Joǵary qaraı