Aýa raıy
Astana -6 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵanǵa qarasty Erkin aýylynda gaz ballony jarylyp, 8 adam zardap shekti

2020 jyldyń 27 qarasha 2020 00:50

TALDYQORǴAN. QazAqparat - Taldyqorǵanǵa qarasty Erkin aýylynda gaz ballony jarylyp, segiz adam zardap shekti. Onyń úsheýi bala, - dep habarlaıdy QazAqparat tilshisi.

Almaty oblystyq baspasóz qyzmetiniń málimetinshe, 26-qarasha kúni keshki saǵat 20:00 shamasynda Almaty oblysy Tótenshe jaǵdaılar departamentiniń kezekshi pýltine Taldyqorǵan qalasynyń Erkin aýyly, Qazaqstan kóshesiniń boıyndaǵy jeke turǵyn úılerdiń birinde shaǵyn gaz ballony (syıymdylyǵy 5 lıtr) jaryldy degen habarlama kelip tústi.

Jarylys saldarynan órt shyqqan joq. Alaıda turǵyn úıdiń qabyrǵalary men shatyry qırady.

«Jarylys saldarynan 8 adam, onyń ishinde 3 bala zardap shekti. Olardyń barlyǵy medıtsınalyq mekemelerge jetkizildi. Aldyn-ala boljam boıynsha, turmystyq gaz ballonyn jylytý úshin peshtiń janyna qoıýy jarylysqa sebep bolǵan»,- delingen vedomstvonyń taratqan habarlamasynda.




Oqıǵa ornynda Almaty oblysy TJD 28 qyzmetkeri, 8 tehnıkasy, 8 jedel járdem brıgadasy, polıtsııa, gaz qyzmeti jáne jergilikti atqarýshy organ ókilderi jumys istedi. Sondaı-aq zardap shekkenderdiń týystaryna psıhologııalyq kómek kórsetý úshin Almaty oblysy TJD-nyń eki psıholog mamany jumyldyryldy.





Almaty oblysy TJD azamattardan gaz ballondaryn paıdalaný jáne qoldaný kezinde saqtyq sharalaryn qatań saqtaýdy suraıdy.


Avtor Samal Qabysheva
Basty sózder: Oqıǵa, Almaty oblysy,
Joǵary qaraı