Aýa raıy
Astana -5 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵandyqtardyń jylý aldyndaǵy qaryzy 144 mln teńgege jetti

2020 jyldyń 15 qyrkúıek 2020 13:21

TALDYQORǴAN. QazAqparat - Taldyqorǵandyqtardyń jylý aldyndaǵy qaryzy 144 mln teńgege jetti. Bul tek turǵyndardyń jylý aldyndaǵy bereshegi, dep habarlaıdy QazAqparat tilshisi.

«2020 jyldyń 8 qyrkúıeginde Taldyqorǵan halqynyń jylý aldyndaǵy qaryzy 197 825 826 teńge bolǵan. Onyń 45 mln teńgeden astamyna sot sheshimi shyǵarylǵan. 2 mln teńgeden astam qaryzǵa arnaıy kelisim jasaldy. Al 6,5 mln teńge merziminen keshiktirilgen qaryz. Jalpy, qazirgi kúni taldyqorǵandyqtardyń «Taldyqorǵanjylýservısi» aldyndaǵy qaryzy 143 962 893 teńge», - delingen Taldyqorǵan qalasy ákiminiń baspasóz qyzmetiniń QazAqparat tilshisine bergen málimdemesinde.

Al Almaty oblysynda aldaǵy jylytý maýsymynyń daıyndyq jumystaryna 15,9 mıllıard teńge bólindi.

Almaty oblysy ákiminiń baspasóz qyzmetiniń málimetinshe, onyń ishinde jylýmen jabdyqtaý nysandaryn jóndeý úshin 6,0 mıllıard teńge, kómir, mazýt, dızel otynyn satyp alýǵa 9,4 mıllıard teńge, jylý júıelerin jóndeýge jáne qajetti qural-jabdyq satyp alýǵa 538 mıllıon teńge, al kásiporyndardyń óz qarajattary esebinen 2,1 mıllıard teńge qarastyrylǵan.


Avtor Samal Qabysheva
Basty sózder: Ekonomıka, Almaty oblysy, Qoǵam,
Joǵary qaraı