Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵanda jasóspirim 6 kólikti tonap, 3 velosıpedti urlap ketken

2020 jyldyń 24 qyrkúıek 2020 17:23

TALDYQORǴAN. QazAqparat - Taldyqorǵanda kólik tonaýmen aınalysyp kelgen jasóspirim ustaldy, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, oblys ortalyǵynyń 17 jastaǵy turǵyny 6 kólikti tonap, 3 velosıpedti qoldy etken.

Bıylǵy tamyz-qyrkúıek aılarynda Taldyqorǵan qalasynda kópqabatty úılerdiń aýlalarynda turǵan avtokólikterden baǵaly zattardyń qoldy bolý deregi jıilep ketken. Az ǵana merzim ishinde polıtseıler osyǵan uqsas 6 derekti tirkedi. Sonymen qatar, osy ýaqyt aralyǵynda 3 velosıped urlanǵan. Osy faktiler boıynsha QR Qylmystyq kodeksiniń 188-baby 3-bóligi 3-tarmaǵy jáne 188-baby 1-bóligine sáıkes qylmystyq ister qozǵaldy.

«Atalmysh faktilerdi teksergen Batys QPB aǵa jedel ýákili Álbosyn Bekzat árbir qylmys boıynsha aqparat jınap, olarǵa qatysy bar kúdiktilerdi zerdeleı bastady. Keıbir jerlerde kúdikti vıdeokameralarǵa túsip qalǵan. Birneshe vıdeojazbany muqııat zerdeleý barysynda kúdiktiniń beınesi aıqyndaldy. Tergeýshi jedel is-sharalar júrgize otyryp, qylmysqa qatysy bar degen kúdikpen 17 jastaǵy jergilikti turǵyndy ustady. Ol buǵan deıin de osyǵan uqsas qylmystar jasaǵany úshin quqyq qorǵaý organdarynyń nazaryna túsken bolatyn», - dep atap ótti Taldyqorǵan qalalyq Polıtsııa basqarmasynyń bastyǵy Asqar Nursapa.

Kúdikti qylmystyq áreketterin moıyndady. Odan jábirlenýshilerden qoldy bolǵan uıaly telefondar, jempir, velosıped jáne saǵattar tárkilendi.

«Urlanǵan aqshany jas jigit jumsap tastaǵan, keıbir zattar men eki velosıpedti satyp jibergeni anyqtaldy. Oqıǵa ornynda jaýap alý barysynda kúdikti urlyqty qalaı jáne qaıda jasaǵanyn egjeı-tegjeıli aıtyp berdi. Onyń kólikterdi shaǵyn pyshaqtyń kómegimen buzyp ashqany belgili boldy», - dep tolyqtyrdy polkovnık A.Nursapa.

Kúdiktige qatysty sotqa deıingi tergep-tekserý aıaqtalǵansha «jeke kepilgerlik» túrindegi bultartpaý sharasy tańdaldy.


Joǵary qaraı