Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵanda jas qutqarýshylar ant qabyldady

2021 jyldyń 19 qazan 2021 22:52

TALDYQORǴAN. QazAqparat - Qutqarýshylar kúnine oraı Taldyqorǵanda Almaty oblystyq tótenshe jaǵdaılar salasyna qyzmetke kelgen jas mamandar ant qabyldady, dep habarlaıdy QazAqparat tilshisi.

15 jas órenniń ishinde órt sóndirýshi, dıspetcher, qutqarýshy bar. Jalpy óńirdiń azamattyq qorǵanys salasynda 1 200-ge jýyq adam eńbek etedi. Olar apat saldaryn joıyp, olardy boldyrmaý úshin eńbek etip keledi. Aıta keterligi, sońǵy 30 jylda Jetisý óńirinde 3 qutqarýshy qyzmet babynda qaza tapty.

Saltanatty jıynǵa kelgen ardagerler men qurylym basshylary eskertkish taqtaǵa gúl shoǵyn qoıyp, rýhtaryna taǵzym etti. Sondaı-aq oblys ortalyǵyndaǵy kópqabatty úılerdiń birine qutqarýshynyń mýraly salyndy.

Bes qabatty ǵımarat qabyrǵasynda kishkentaı qyz balany órtten alyp shyqqan órt sóndirýshi beınelengen.

«Bul ózimniń bala kezdegi armanym. Aǵalarym, týystarym, jaqyndarymnyń barlyǵy osy salada jumys isteıdi. Motıvatsııa sol jaqtan kelip jatyr. Áke-sheshem barlyǵy qoldap, bir jyl boıy eńbek ettim, tyrystym. Qıyn jaǵdaı bolmasyn. Bolǵan jaǵdaıda birinshi bolyp qoldan kelgenshe kómektesýge daıynbyz»,- dedi jas maman Symbat Qapparova.


Joǵary qaraı