Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Taldyqorǵanda myńnan asa baspana zańsyz berilgen

2022 jyldyń 12 mamyr 2022 13:09

TALDYQORǴAN. QazAqparat - Taldyqorǵanda myńnan asa baspana zańsyz berilgen, dep habarlaıdy QazAqparat tilshisi.

Taldyqorǵanda 2015-2020 jyldar aralyǵynda zań buzýshylyqtary bar 1014 turǵyn úı, 330 qujatsyz páter jeke azamattarǵa sol ýaqyt aralyǵynda qyzmet etken memlekettik qyzmetkereler tarapynan berilgen.

Sonymen qatar qujatsyz 684 páter halyqtyń áleýmettik osal toptaryna berilgen. Bul tizim boıynsha muraǵattyq málimettermen salystyrý jumystary júrgizilýde. Onyń 298-i «Bereke» kottedj qalashyǵyndaǵy úı, kóp qabbatty úılerdegi páter sany 386.

«Halyq turǵyn úı bólimine kelip, kezekke turǵan. Bul jemqorlyq táýekelderin alyp keledi. Sebebi kezekte turǵan azamattar memlekettik qyzmetkerlermen tikeleı baılanysqa shyǵyp otyrǵan. Ádette buryn kezekte turǵandardyń 30%-y qaıta tirkeýden ótetin. Olardyń deni múgedekter, zeınetkerler jáne áleýmettik osal toptaǵy azamattar. Alaıda, keı turǵyndar óziniń jeńildigin rastamaı kelgen. Tipti, bir ret kezekke turyp, ol týraly umytyp ketkender de bar. Aıta ketkenim jón, qaıta tirkeýdiń bolmaýy kezekten shyǵarý úshin negiz emes. Sondyqtan páterge muqtaj emes azamattardy anyqtaý úshin, «Kezekte» portalyn qaıta qarap shyǵý qajet»,- dedi Taldyqorǵan qalasynyń ákimi Áset Masabaev.

Jumys barysynda 2054 azamat tizimnen alynǵan. Osylaısha, shynymen baspanaǵa muqtaj azamattar aldaǵy ýaqytta armanyndaǵy páterge qol jetkizbek.
Jalpy Taldyqorǵan qalasynyń kommýnaldyq menshiginde 1993-2020 jyldary salynǵan 3235 turǵyn úı bar.
Taldyqorǵandaǵy turǵyn úılerdi bólýde ashyqtyqty saqtap, jemqorlyqtyń aldyn alý maqsatynda turǵyndardyń úı kezegi tolyǵymen «Kezekte» portalyna aýystyryldy. Osylaısha,úı alý kezindegi túrli aıla-áreketterge jol jabylmaq.
Aıta keterligi buǵan deıin turǵyn úı kezegi «Excel» baǵdarlamasymen júrgiziletin. Turǵyn úı kezegi jaıynda aqparatty tirkeýge turǵanda ǵana alatyn. Al jańa platforma jemqorlyq táýekelderiniń aldyn alyp, turǵyn úı kezegindegi qatelikterdi joıýǵa múmkindik bermek.
«Excel» baǵdarlamasyndaǵy tizimderdi tekserý barysynda 2 myńǵa jýyq sáıkessizdik anyqtalǵan. Onyń ishinde 1044-niń deregi qalpyna keltirilgen. 100 adamnyń tizimi óńdelýde. Al, 576 turǵynnyń JSN, múgedek balanyń JSN jáne kezekke turýy týraly anyqtamasy joq.
Aıta ketsek, 16333 azamat úı kezeginde tur. Onyń 6 327-i bıýdjettik uıymdardyń qyzmetkeri, 10 myńnan astamy áleýmettik álsiz topqa jatatyn turǵyn.


Joǵary qaraı