Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵan polıtsııasy oq atqan buzaqyny izin sýytpaı ustady

2020 jyldyń 26 qazan 2020 13:30

TALDYQORǴAN. QazAqparat - Taldyqorǵan polıtsııasy tapanshamen oq atqan buzaqyny izin sýytpaı ustady, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe,

Taldyqorǵan qalasy PB Shyǵys QPB kezekshi bólimine Qaratal shaǵynaýdanynda tóbeles shyqqandyǵy týraly habarlama kelip tústi. Oqıǵa ornyna shuǵyl jetken polıtsııa jasaǵy jastardyń eki toby arasynda tóbeles bolǵanyn anyqtady. Basynan oq jaraqatyn alǵan 21 jastaǵy jergilikti turǵyn aýrýhanaǵa túsken.

Atalǵan derek QR QK 293-babynnyń 3-bóligi 2-tarmaǵy boıynsha tirkeldi.

Júrgizilgen jedel-izdestirý is-sharalarynyń nátıjesinde, Shyǵys QPB KPB qyzmetkerleri bir saǵattyń ishinde oq atqan kúdiktini anyqtap, ustady. 18 jastaǵy Taldyqorǵan qalasynyń turǵynynan tártip saqshylary pnevmatıkalyq tapanshany tárkiledi. Ol kinásin moıyndady. Ustalǵan adam oqty buzaqylyq nıetpen atqanyn jáne oǵan qatty ókinetinin jetkizdi. Oblystyq aýrýhanada dárigerler jábirlenýshiniń basynan tórt oq alǵan. Sot-medıtsınalyq jáne basqa da qajetti saraptamalar taǵaıyndaldy.





Avtor Samal Qabysheva
Basty sózder: Almaty oblysy, Oqıǵa, QR ІІM,
Joǵary qaraı