Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵan koronavırýstyń taralýy boıynsha «qyzyl» aımaqta

2021 jyldyń 14 qazan 2021 14:02

TALDYQORǴAN. QazAqparat- Almaty oblysynyń ortalyǵy Taldyqorǵan qalasynda sońǵy eki aptada koronavırýs ınfektsııanyń 486 jaǵdaıy tirkelse, ótken táýlikte 25 turǵynnan indet anyqtalǵan, dep habarlaıdy QazAqparat tilshisi.

Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan aqparatqa sáıkes, 13-qazandaǵy jaǵdaı boıynsha Taldyqorǵan qalasynda COVID - 19 koronavırýstyq ınfektsııasy boıynsha epıdemıologııalyq jaǵdaı turaqsyz. Búgingi tańda shahar «qyzyl» aımaqta ornalasqan.
2020 jyldyń mamyr aıynan bastap barlyǵy 12134 zerthanalyq rastalǵan KVI jaǵdaıy tirkelgen. Osy jyl basynan bastap qazirge deıin 10212 turǵynnyń vırýs juqtyrǵany belgili bolyp otyr.
Qalada vırýsqa qarsy ekpe jumystary álide jalǵasýda. Taldyqorǵanǵa barlyǵy 155975 doza vaktsına kelip tústi.
Qazirgi tańda Taldyqorǵan qalasynda 1-shi komponentpen – 58505, vaktsınanyń ekinshi bóliginen– 54074 adam ekpe saldyrdy.
Aıta keteıik, qalada 24 egý kabıneti jáne 1 jyljymaly mobıldik top jumys isteıdi, sondaı-aq « City plus» saýda ortalyǵynda qosymsha 1 egý kabıneti ashyldy.


Joǵary qaraı