Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taldykól tabıǵı jolmen-aq keýip qalýy yqtımal – Ekologııa mınıstri

2021 jyldyń 13 qazan 2021 20:49

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev elorda túbindegi Taldykólge qatysty pikirin bildirdi, dep habarlaıdy QazAqparat tilishsi.

«Biz ákimdikpen keńes ótkizip, ustanymymyzdy bildirdik. Jalpy, olar bizdiń ustanymymyzben kelisip otyr. Muny sý nysany retinde qaraýǵa bolmaıtyndyǵy túsinikti. Óıtkeni, oǵan basqa jaqtan kelip quıylatyn sý kózi joq. Sol sebepti bul kóldiń tabıǵı jolmen-aq keýip ketýi yqtımal. Sonymen qatar biz ákimdikpen olardyń atalǵan oramdaǵy kólge sý keler jerlerindegi qurylys josparyn qaıta qaraýy jaıyna ýaǵdalastyq jáne ol sý nysany retinde qalýy tıis. Qurǵap bara jatqan jerleri kómilýi qajet. Al tereń jerlerin ákimdik sý nysany retinde saqtap qalýǵa mindetti», - dedi mınıstr «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııasynan keıin BAQ ókilderiniń saýalyna oraı.

Aıta keteıik, taıaýda elorda ákiminiń orynbasary Nurlan Soltambekov jetekshilik etken ekologııalyq keńeste Kishi Taldykóldegi rekreatsııalyq aýmaqty saqtaý jáne qurý máselesi qaralǵan bolatyn. Onda Nurlan Soltambekov Kishi Taldykóldi saqtap jáne sýyn toltyra otyryp, rekreatsııalyq aımaq qurý boıynsha jobalaý-smetalyq qujattama ázirleýdi tapsyrǵan edi.




Avtor Marlan Jıembaı
Basty sózder: Ekologııa, Nur-Sultan,
Joǵary qaraı