Aýa raıy
Astana 14 °S
Almaty 11 °S
valıýta baǵamy
USD 405.69
EUR 455.51
RUB 5.72
CNY 57.42

Talgoda jas qyzǵa zorlyq-zombylyq áreketterin jasamaq bolǵan er adamnyń isi tergelip jatyr

2019 jyldyń 8 qarasha 2019 17:59

NUR-SULTAN. QazAqparat - Kólik prokýrorlary «Petropavl-Almaty» baǵytyndaǵy №705 Talgo poıyzy jolaýshysynyń jas qyzǵa qatysty jynystyq sıpattaǵy zorlyq-zombylyq áreketterine oqtalý týraly qylmystyq is qujattaryn zerdeledi. Bul týraly Bas kólik prokýratýrasynyń baspasóz qyzmeti málim etti, dep habarlaıdy QazAqparat.

Atap aıtqanda, 2019 jyly 3 qyrkúıekte atalǵan fakti boıynsha QK-tiń 121-baby 1-bóligimen sotqa deıingi tergep-tekserý bastaldy.

«2 qarashada «Qaraǵandy-Suryptaý» stansasyndaǵy jelilik polıtsııa bólimimen qylmys quramynyń bolmaýyna baılanysty sotqa deıingi tergep-tekserýdi qysqartý týraly sheshim qabyldandy. 8 qarashada Jezqazǵan kólik prokýratýrasy qylmystyq qýdalaý organynyń sheshiminiń kúshin joıyp, istiń barlyq mán-jaılaryn tolyq jáne obektıvti túrde qamtamasyz etý úshin nusqaý berip, qosymsha tergeýge qaıtardy», - delingen habarlamada.

Osy oraıda qylmystyq istiń tergeý barysy Bas kólik prokýratýrasynyń baqylaýynda tur.

Belgili bolǵandaı, bul oqıǵanyń mán-jaıy Facebook-tegi «NeMolchı» paraqshasynda jazylǵan.

Bıyl 2 qyrkúıek kúni stýdent qyz aǵasymen birge «Petropavl-Almaty» baǵytyndaǵy poıyzben jolǵa shyqqan. Qaraǵandyǵa jetkende atalǵan jigit túsip qalady da, qaryndasy ary qaraı saparyn jalǵastyrady. Saǵat 23:50 kezinde kýpege 60 jas shamasyndaǵy jolaýshy kirgen.

Avtordyń jazýynsha, birazdan keıin uıyqtap jatqan qyz belgisiz bireý ony kıiminiń syrtynan sıpalap jatqanyn sezgen. Stýdent dereý ornynan turyp, kýpedegi shamdy jaqqan. Sol kezde ózine qarama-qarsy orynda kýpege jaıǵasqan jolaýshynyń otyrǵanyn baıqaıdy. Jas qyz kýpeden shyǵyp, jolserikti shaqyryp, bolǵan oqıǵany aıtqan. Osydan keıin jolserik stýdentti basqa orynǵa kóshirgen.

Keıinnen ol bul oqıǵany aǵasyna habarlaǵan jáne poıyz qyzmetkerleri polıtsııa shaqyrtty.

Avtor Rýslan Ǵabbasov
Basty sózder: QTJ, Qylmyspen kúres, Oqıǵa, Qoǵam,
Joǵary qaraı