Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taǵy 21 aýylda ákim saılandy

2021 jyldyń 15 qyrkúıek 2021 11:12

NUR-SULTAN. QazAqparat – 1 tamyzdan beri taǵy 21 eldi mekennniń ákimi tikeleı saılaý arqyly qyzmetke kelgen. Bul týraly QR Prezıdentiniń kómekshisi Erlan Qarın Telegram-daǵy paraqshasynda jazdy, dep habarlaıdy QazAqparat tilshisi.

«Bıyl 25 shildede elimizdiń 730 aýyldyq okrýginde alǵash ret ákimderdiń tikeleı saılaýy ótken. Bul bir rettik naýqan emes. Ákimderdiń ókiletti merzimi aıaqtalýyna qaraı saılaý basqa eldi mekenderde de ótedi. Іs júzinde apta saıyn Qazaqstannyń qandaı da bir óńirinde aýyl turǵyndary óz ákimin saılaıdy. 1 tamyzdan bastap tikeleı daýys berý arqyly taǵy 21 aýyldyq okrýgtiń basshylary saılandy. Sonda búginge deıin barlyǵy 751 aýyldyq okrýgte ákim saılaýy ótken», - dep jazdy Prezıdenttiń kómekshisi.

Onyń aıtýyna qaraǵanda, saılanǵan ákimderdiń 86%-yn saıası partııalar kandıdat retinde usynsa, 14%-y ózin-ózi usynǵan.

«Saılanǵan ákimderdiń 50%-ǵa jýyǵy – buryn ákim laýazymynda jumys istep kórmegen jańa tulǵalar. Osylaısha, tikeleı saılanbaly júıeniń enýi aýyl ákimderi korpýsynyń jańarýyna septigin tıgizip jatyr dep aıtýǵa bolady. Jyl sońyna deıin taǵy 70-ten astam aýyldyq okrýgte ákim saılaýyn ótkizý josparlanyp otyr», - deıdi Erlan Qarın.


Joǵary qaraı