Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Syrtqy ister mınıstrligi EAEO máselelerine qatysty túsinikteme berdi

2021 jyldyń 5 maýsym 2021 16:26

NUR-SULTAN. QazAqparat - Qazaqstan Respýblıkasy Syrtqy ister mınıstrligi EAEO máseleleri jónindegi túsinikteme berdi. «QazAqparat» HAA oqyrmandarǵa tolyq mátindi usynady.

2014 jylǵy 29 mamyrda qol qoıylǵan Eýrazııalyq ekonomıkalyq odaq týraly shartqa sáıkes birlestikti qurýdyń maqsaty taýarlardyń, kórsetiletin qyzmetterdiń, kapıtaldyń jáne jumys kúshiniń erkin qozǵalysyn qamtamasyz etý, óz halyqtarynyń ál-aýqatyn arttyrý múddesinde múshe memleketter ekonomıkalarynyń turaqty damýy úshin jaǵdaılar jasaý bolyp tabylady.

Qazaqstan EAEO sheńberindegi ıntegratsııalyq protsester tek ekonomıkalyq sıpatqa ıe degen ustanymdy qoldaıdy. Eýrazııalyq ıntegratsııa organdaryna tán emes fýnktsııalardy berýdi qabyldaýǵa bolmaıtyndyǵyn dástúrli túrde atap ótemiz jáne birlestikti saıasılandyrýǵa qarsymyz», delingen túsiniktemede.

EAEO týraly shartty retteý máselesiniń sheńberinen shyǵatyn, onyń ishinde úshinshi elderdiń sanktsııalyq áreketterine jaýap sharalaryn qoldaný jónindegi bastamalardy talqylaý mánmátininde Batystyń sanktsııalary óziniń negizinde, eń aldymen, saıası sebepteri bar jáne búkil EAEO-ǵa emes, jekelegen memleketterge qarsy baǵyttalǵanyn atap ótemiz.

Qazaqstan Respýblıkasy EAEO elderiniń «shoǵyrlandyrylǵan sharalary» týraly basqa memleketterdiń sanktsııalaryna jaýap retinde eshqandaı kelissózder júrgizbeıtinin atap ótemiz. Eýrazııalyq ıntegratsııa boıynsha áriptestermen júrgiziletin jumysta mundaı sanktsııalardyń bizdiń memleketterimizdiń áleýmettik-ekonomıkalyq damýyna teris áserin boldyrmaý boıynsha birlesken is-qımyldar týraly ǵana aıtýǵa bolady.


Joǵary qaraı