Aýa raıy
Astana -17 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Syr dıqandary rekordtyq kórsetkishti jańartty

2020 jyldyń 23 qazan 2020 19:56

QYZYLORDA. QazAqparat – Bıyl Qyzylorda oblysynda 184,2 myń gektar aýmaqqa egis egildi. Onyń ishinde dándi daqyldar – 99,9 myń ga, maıly daqyldar – 5,7 myń ga, mal-azyqtyq daqyldar – 61,0 myń ga, kartop, kókónis, baqsha – 17,6 myń ga. Negizgi daqyl – kúrishtiń kólemi 89,5 myń ga. QazAqparat bul týraly oblystyq Aýyl sharýashylyǵy basqarmasyna silteme jasap habarlaıdy.

Málim etilgendeı, aýyl sharýashylyǵy daqyldary ótken jylmen salystyrǵanda 1,1 myń gektarǵa artyq egilip otyr.

Sonymen qatar, oblysta egisti ártaraptandyrý baǵytynda alǵash ret perspektıvaly daqyldar qant qumaıy 70 gektarǵa, soıa 240 gektarǵa, júgeri daqyly 1 667 gektarǵa deıin jetkizilip, ylǵal saqtaǵysh akvagelderdi paıdalaný arqyly 80 gektar tálimdik jerlerge kúzdik bıdaı daqyly egildi.

Jalpy oblys sharýashylyq qurylymdary egilgen aýylsharýashylyǵy daqyldaryn agrotehnıkalyq talaptarǵa saı egip, kútip - baptaý jumystaryn óz merziminde júrgizdi.

Oblysta egin jınaý naýqany ústimizdegi jyldyń 15 qazan kúni tolyq aıaqtaldy.

Syr dıqandary aǵymdaǵy jylǵy oryn alǵan sý tapshylyǵy jaǵdaıy men buryn – sońdy bolmaǵan pandemııanyń shekteýlerine qaramastan ala-jazdaı jasaǵan tynymsyz eńbeginiń nátıjesinde el tarıhynda kúrish óndirýden rekordtyq kórsetkishti bıyl taǵy da jańartyp, joǵary ónim jınady.

89,5 myń gektar kúrishtiń ár gektarynan 61,8 tsentnerden ónim alynyp, el qambasyna 551,3 myń tonna Syr marjany quıyldy.

Sonymen qatar, oblys boıynsha dándi daqyldardan egilgen kúzdik bıdaıdan 9,5 myń tonna (orta ónim gektaryna 22,7 tsn) , jazdyq bıdaıdan 4,6 myń tonna (orta ónim gektaryna 10,3 tsn), dándik júgeriden 2,2 myń tonna (orta ónim gektaryna 40,4 tsn), tarydan 1,4 myń tonna (orta ónim gektaryna 27,9 tsn), jazdyq arpadan 270 tonna (orta ónim gektaryna 4,5 tsn), sulydan 4,7 tonna ónim alyndy (orta ónim gektaryna 9,4 tsn) jáne qant qumaıynan 31 tonna ónim alyndy (orta ónim gektaryna 4,4 tsn) .

Sondaı-aq, kartoptan 66 590 tonna, kókónisten 112 806 tonna, baqshadan 193 484 tonna ónim jınaldy. Orta ónim kartopta 173,7 tsentnerden, kókóniste 200,5 tsentnerden, baqshada 239,2 tsentnerden aınaldy.

Maıly daqyldar boıynsha: maqsarydan 5 579 tonna, kúnbaǵystan 162,2 tonna, soıadan 263 tonna jınalyp, árgektardan orta ónim maqsarydan 10,3 tsentnerdi, kúnbaǵystan 23,2 tsentnerdi, soıadan 11,0 tsentnerdi qurady.

Aýyl sharýashylyq qurylymdary boıynsha eski jońyshqadan barlyǵy 208,0 myń tonna ( orta ónimi 54,4 tsn/ga ) , jańa jońyshqadan 17,4 myń tonna (orta ónimi 9,7 tsn/ga) . jońyshqa shóbi jınaldy.

Mal-azyqtyq 1112 gektar súrlemdik júgeriden 5 706 tonna súrlem salynyp, orta ónim 51,1 tsentnerdi qurasa, 112 gektar mal jemdik asqabaq daqylynan 1 680 tonna ónim alynyp,orta ónimi 150,0 tsentnerdi qurady.


Joǵary qaraı