Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sybaılas jemqorlyqpen kúres qyzmetkerlerine irikteý júrip jatyr

2021 jyldyń 16 qazan 2021 17:01

NUR-SULTAN. QazAqparat – Elimizde sybaılas jemqorlyqqa qarsy kúres qyzmeti salasynda eńbek etýge nıetti mamandar aldymen kásibı daıarlyqtan ótedi. Ol boıynsha búginde mamandar arasynda irikteý ótip jatyr, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

«Sybaılas jemqorlyqqa qarsy is-qımyl agenttigi qyzmetke alǵash kirisetin mamandardy kásiptik daıarlyqtan ótkizýge irikteý jarııalaıdy. Mamandardyń qyzmettik mindetterine sybaılas jemqorlyqqa qatysty qylmystar men quqyq buzýshylyqtardy anyqtaý, jolyn kesý, ashý jáne tergeý. Kásibı daıarlyqtan ótkizýge irikteý jedel basqarmanyń ofıtseri nemese tergeý basqarmanyń tergeýshi laýazymy (B-PRO-8 sanaty) boıynsha júrgiziledi», - delingen habarlamada.

Habarlamada aıtylǵandaı, irikteýge qatysý úshin qujattardy qabyldaý agenttiktiń aýmaqtyq bólimshelerinde 2021 jylǵy 13 qyrkúıekten bastap 29 qazanǵa deıin jalǵasady.

Qujattar qabyldanǵan soń agenttikte jumys istigisi keletin úmitkerlermen áńgimelesý kezeńi ótedi. Jáne irikteýden ótken mamandar quqyq qorǵaý organy akademııasynda 6 aı boıy bilimin jetildiredi. Sodan soń Sybaılas jemqorlyqqa qarsy is-qımyl agenttigine qyzmetke qabyldanady.

Úmitkerlerge qoıylatyn negizgi talaptar, Qazaqstan Respýblıkasynyń azamaty bolýy, jasy 18-ge tolǵan, biraq 35 jastan aspaýy qajet. Sonymen qatar joǵary zańgerlik biliminiń bolýy mindetti.

Іrikteýdiń tolyq talabymen agenttiktiń saıtynan tanysýǵa bolady.



Joǵary qaraı