Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sybaılas jemqorlyqqa qarsy qyzmettiń jańa tóraǵasy taǵaıyndaldy

2021 jyldyń 16 sáýir 2021 11:20

NUR-SULTAN. QazAqparat - QR Prezıdentiniń Jarlyǵymen Marat Muratuly Ahmetjanov Qazaqstan Respýblıkasynyń Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) tóraǵasy laýazymyna taǵaıyndaldy. Onyń QR Bas prokýrorynyń orynbasary laýazymynan bosatylǵanyn habarlaǵan bolatynbyz. Bul týraly Aqordanyń resmı saıty jazdy.

Marat Ahmetjanov 1964 jyly 22 jeltoqsanda dúnıege kelgen.

Bilimi joǵary, E.A. Býketov atyndaǵy Qaraǵandy memlekettik ýnıversıtetin bitirgen.

Synyptyq sheni - 2-synypty memlekettik ádilet keńesshisi.

«Qurmet» (2008) jáneІІ dárejeli«Dańq» (2014) ordenderimen, «Qazaqstan Respýblıkasynyń Táýelsizdigine 10 jyl», «Qazaqstan Konstıtýtsııasyna 10 jyl», «Astananyń 10 jyldyǵy» mereıtoılyq medaldarymen, sondaı-aq,Reseı Federatsııasy Prezıdentiniń Jarlyǵymen «Reseı flotyna 300 jyl» estelik medali jáne «Admıral Kýznetsov» medaldarymen marapattalǵan.

Úılengen, eki bala tárbıelep otyr.

Mansaby:

1993-1996 jyldary–Bas prokýratýra janyndaǵy Sybaılas jemqorlyqqa qarsy kúres jónindegi arnaıy prokýratýranyń asa mańyzdy ister jónindegi aǵa tergeýshisi, Bas prokýratýranyń Asa qaýipti qylmystardy tergeý basqarmasy aımaqtyq tergeýshiler bóliminiń bastyǵy.

1996-1997 jyldary – Memlekettik tergeý komıtetiniń Asa qaýipti qylmystardy tergeý basqarmasynyń bólim bastyǵy, Memlekettik tergeý komıtetiniń Áskerı-tergeý departamenti tergeý basqarmasynyń bastyǵy.

1997-1998 jyldary – Іshki ister mınıstrliginiń Áskerı-tergeý departamenti tergeý basqarmasynyń bastyǵy.

1998-2001 jyldary–Tergeý departamenti dırektorynyń orynbasaryjáneÁdilet mınıstrliginiń Sot qaýlylaryn oryndaý komıteti tóraǵasynyń orynbasary.

2001 jyly–Bas prokýratýranyń Tergeý jáne anyqtaý organdaryndaǵy zańdylyqty qadaǵalaý departamentiniń bastyǵy.

2003-2006 jyldary–Pavlodar oblysynyń prokýrory.

2006-2009jyldary – Ońtústik Qazaqstan oblysynyń prokýrory.

2009-2012 jyldary–QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń tóraǵasy.

2012 jyly–QR Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń orynbasary.

2014-2016 jyldary–Atyraý oblysy Memlekettik qyzmet isteri jáne sybaılas jemqorlyqqa qarsy is-qımyl departamentiniń basshysy,Atyraý oblysy Sybaılas jemqorlyqqa qarsy is-qımyl ulttyq bıýro departamentiniń basshysy.

2016 jyldyń 2 maýsymynan bastap –Qazaqstan Respýblıkasy Bas Prokýrorynyń orynbasary.


Joǵary qaraı