Aýa raıy
Astana 9 °S
Almaty 15 °S
valıýta baǵamy
USD 412.55
EUR 468.66
RUB 5.79
CNY 58.80

Sybaılas jemqorlyqqa qarsy qyzmet ókilderinen qashqan sheneýnik Tekeli ózenine aǵyp kete jazdady

2020 jyldyń 9 shilde 2020 16:11

NUR-SULTAN. QazAqparat - Almaty oblysyna qarasty Tekeli aýdany ákimi apparatynyń basshysyna qatysty sotqa deıingi tergeý bastaldy. Bul týraly QR Sybaılas jemqorlyqqa qarsy is-qımyl agenttigi 1-shi departamenttiń asa mańyzdy ister jónindegi tergeýshisi Qaısar Barjaqsynov aıtty, dep habarlaıdy QazAqparat tilshisi.

«Ol «Múgedekter qoǵamy» qoǵamdyq birlestiginiń dırektorynan Óńirlerdi damytýdyń 2020 jylǵa deıingi memlekettik baǵdarlamasyn iske asyrý aıasynda júrgizilip jatqan Tekeli qalasynyń aýmaǵyn abattandyrýǵa qatystykelisimshart boıynsha qoǵamnyń qyzmetine jalpy qamqorlyq kórsetý úshin 1,5 mln teńge somasynda para alý kúdigine ilindi», - dedi tergeýshi.

Onyń aıtýynsha, Tekeli qalasy ákimi apparatynyń basshysyn áshkereleý kezinde ol óz basyn qaýip-qaterge tigip, oqıǵa ornynan jasyrynbaq bolǵan.

«Ol ózenge sekirip, ony júzip ótý arqyly jasyrynǵysy kelgen. Sonymen birge ózi ózenge aǵyp kete jazdaǵan. Alaıda, ony sybaılas jemqorlyqqa qarsy qyzmettiń qyzmetkerleri ustady. QR QPK 201-babyna sáıkes ózge aqparat tergeý múddesi úshin jarııalaýǵa jatpaıdy», - dedi Qaısar Barjaqsynov.



Joǵary qaraı