Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sybaılas jemqorlyq: Shymkentte memleketke 1 mlrd 607 mln teńge óndirilgen

2021 jyldyń 23 qyrkúıek 2021 19:56

ShYMKENT. QazAqparat – Shymkentte sybaılas jemqorlyq quqyq buzýshylyqtarynyń jolyn kesýge yqpal etken 11 tulǵa kótermelengen. Olarǵa syıaqy retinde 2 mln teńgege jýyq aqsha tólengen, dep habarlaıdy QazAqparat tilshisi.

Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti basshysynyń birinshi orynbasary T.Serikbaevtyń aıtýynsha, árbir qylmystyq is boıynsha memlekettik organdar men uıymdarǵa sybaılas jemqorlyq quqyq buzýshylyq jasaýdyń sebepteri men alǵysharttaryn joıý týraly usynýlar engizilýde.

«Aǵymdaǵy jyldyń 8 aıynda Departamentpen qylmystyq isterdi tergeý sheńberinde memlekettik organdarǵa 34 usynym engizilip, búgingi kúnge onyń 32-i qaraldy. Qaraý nátıjesi boıynsha 16 laýazymdy tulǵa tártiptik jaýapkershilikke tartyldy», - dedi Talǵar Serikbaev.

Jyl basynan beri departamentpen 63 qylmys tirkelip, onyń ishinde 45 sybaılas jemqorlyq sıpatynda bolǵan.

«Tirkelgen qylmystardyń basym bóligin paraqorlyq jáne jymqyrý faktileri quraıdy. Jymqyrý faktileri boıynsha 17 jáne paraqorlyq faktileri boıynsha 30 qylmys tirkeldi. Salalar boıynsha anyqtalǵan qylmystardyń eń kóp sany quqyq qorǵaý blogynda- 13, qurylys salasynda 12, bilim – 8, densaýlyq saqtaý – 7, salyq jáne jer qatynastary salalarynda - 3 qylmystan tirkelgen. Sybaılas jemqorlyq jasaǵany úshin 29 tulǵa áshkerlendi. Tirkelgen qylmystyq ister boıynsha qabyldanǵan sharalar nátıjesinde memleket kirisine 1 mlrd 607 mln teńge óndirilgen»,-deıdi Talǵar Serikbaev.


Joǵary qaraı