Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Suıytylǵan gaz baǵasyna qatysty túsinik bere almaımyn – Energetıka mınıstri

2021 jyldyń 13 qazan 2021 21:27

NUR-SULTAN. QazAqparat – QR Energetıka mınıstri Maǵzum Myrzaǵalıev elimizde suıytylǵan gaz baǵasyna qatysty túsinik bere almaıtyndyǵyn aıtty, dep habarlaıdy QazAqparat tilishsi.

«Shynymdy aıtsam, baǵaǵa qatysty túsinik bere almaımyn. Óıtkeni, súıytylǵan gaz baǵasy rettelmeıdi. Ony naryq rettep otyrady. Suranys bolsa, usynys ta bolady. Shynymen de, tapshylyq problemasy oryn aldy. Bul jaıt jazda Teńizshevroıl kompanııasynyń kúrdeli jóndeýge kóshýimen baılanysty boldy. Qazir jaǵdaı túzelip keledi. ıAǵnı, gaz óńirlerge jedel jóneltilip jatyr», - dedi mınıstr «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferentsııasynan keıin BAQ ókilderiniń saýalyna oraı.

Maǵzum Myrzaǵalıevtiń atap ótýinshe, munaı ónimderine, onyń ishinde gazǵa baǵa munaı baǵasynyń negizinde araqatynas ornatý arqyly rettelýi kerek.

«Búginde munaı baǵasy ósip kele jatyr. Sońǵy birneshe aıdyń ishinde baǵa 84 dollarǵa deıin jetip otyr. Soǵan oraı mundaı trendtiń oryn alýy múmkin», - dedi Maǵzum Myrzaǵalıev.


Avtor Marlan Jıembaı
Basty sózder: Energetıka, Munaı,
Joǵary qaraı