Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sýrdlımpıada oıyndarynda erkin kúresten qazaqstandyq balýandar 5 medal ıelendi

2022 jyldyń 16 mamyr 2022 00:14

NUR-SULTAN. QazAqparat - Brazılııada ótip jatqan XXIV jazǵy Sýrdlımpıada oıyndarynda erkin kúresten qazaqstandyq balýandar qanjyǵaǵa 5 medal baılady, dep habarlaıdy QazAqparat.

Sportshylarymyz 1 altyn, 3 kúmis jáne 1 qola medal jeńip aldy.

Atap aıtqanda, qazaqstandyq Haırathaan Shonký 125 keli salmaqta óner kórsetip, altyn medalǵa ıe boldy. 24-shi Sýrdlımpıada oıyndarynda Haırathaannyń bul ekinshi altyn júldesi. Osyǵan deıin ol grek-rım kúresinde 130 keli salmaqta synǵa túsip, jeńiske jetken bolatyn.





Óz kezeginde balýandarymyz Ǵabıt Esjanov (57 kg), Sabyrjan Rsaly (70 kg) jáne Ǵasyr Turǵynbaı (74 kg) jarysta kúmis júldege ıe bolsa, Beksultan Malaıdar (92 kg) qola medalǵa qol jetkizdi. Al Shadııar Pernesh (60 kg) pen Mýhtar Esenǵosuly (97 kg) besinshi orynnan kórindi.





Sondaı-aq áıelder arasynda 4h400 metrdegi estafetada óner kórsetken qazaqstandyq atletter Faına Meırmanova, Olga Hıjnıakova, ıAna Sıbırıakova jáne Elena Pýtıntseva tórtinshi orynnan kórindi. Bıiktikke sekirýden syńǵa túsken Faına Meırmanova 159 sm nátıjesimen besinshi orynǵa ıe boldy.








Brazılııanyń Kashıas-dý-Sýl qalasynda ótip jatqan Sýrdlımpıada oıyndary 15 mamyrda aıaqtalady. Jarysqa álemniń 100 elinen 4 myńnan astam sportshy qatysyp jatyr.

Aıta keteıik, «Dene múmkindigi shekteýli tulǵalarǵa arnalǵan sporttyq daıarlaý ortalyǵy» RMQK (budan ári - Ortalyq) - QR Mádenıet jáne sport mınıstrligi Sport jáne dene shynyqtyrý isteri komıtetiniń vedomstvolyq baǵynysty uıymy bolyp tabylady, Ortalyqtyń basty qyzmeti Sýrdlımpıadalyq, Paralımpıadalyq jáne Paralımpıadalyq emes sport túrlerin damytýǵa baǵyttalǵan.












Basty sózder: Sport, Qoǵam,
Joǵary qaraı