Aýa raıy
Astana -5 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Sýmma Chakrabartı degen kim

2020 jyldyń 14 qyrkúıek 2020 20:20

NUR-SULTAN. QazAqparat - QR Prezıdentiniń ekonomıkalyq damý jónindegi shtattan tys keńesshisi Sýmma Chakrabartı Úndistanda dúnıege kelgen, dep habarlaıdy QazAqparat.

Sýmma Chakrabatı 1959 jyly Jalpaıgýrıde (Úndistan, Batys Bengalııa shtatynda) dúnıege kelgen. Onyń balalyq shaǵy Kalkýtta shtatynyń astanasynda ótti. Anasy mektepte muǵalim bolsa, ákesi tarıhty zerttegen (keıin Kalkýtta ýnıversıtetiniń prezıdenttik kolledjiniń professory bolǵan).

1964 jyly ákesi Dostastyq stıpendııasyn alyp, Oksford ýnıversıteti janyndaǵy áýlıe Antonıo kolledjinde oqýyn jalǵastyrdy. Ol Ulybrıtanııaǵa otbasymen kóship bardy.

1969 jyly Chakrabartı Kalkýttaǵa oraldy, biraq kóp uzamaı Sýmma jáne onyń anasy Batys Bengalııadaǵy maoızm toptarynyń (naksalıtterdiń) kóterilisine baılanysty Úndistannan ketýge májbúr boldy. Osylaısha olar qaıtadan Ulybrıtanııaǵa baryp, Sýmma Chakrabartı Ulybrıtanııa azamattyǵyn alǵan.

Ol Oksfordtyń Jańa kolledjin bitirip (saıasattaný, fılosofııa jáne ekonomıka boıynsha oqydy), Sasseks ýnıversıtetinde ekonomıkalyq damý magıstri dárejesin aldy.

Ol damýshy naryqtarǵa mamandanǵan, memlekettik qyzmettegi aýqymdy reformalardy damytýda tájirıbesi bar, brıtandyq «noý-haý» qoryn (1990 jj. basynda qurylǵan) - Ortalyq jáne Shyǵys Eýropaǵa tehnıkalyq kómek kórsetý baǵdarlamasyn qurýda sheshýshi ról atqardy. Osy jyldar ishinde ol ekonomıkasy túbegeıli qaıta qurý kezeńinen ótip jatqan memleketter - Shyǵys Eýropa, Taıaý Shyǵys jáne Soltústik Afrıka, sondaı-aq SSSR ydyraǵannan keıin paıda bolǵan elder basshylyǵynyń ókilderimen yntymaqtastyqta boldy.

Ol Eýropalyq Komıssııamen Taıaý Shyǵys jáne Soltústik Afrıka memleketterine arnalǵan baǵdarlamalar jasaý kezinde ózara baılanysta bolǵan. Ol Afrıkada, atap aıtqanda Botsvanada jumys istedi.

1984 jyly ol Afrıka men Ońtústik Azııa problemalarymen aınalysatyn Halyqaralyq damý jónindegi basqarma (qazirgi Ulybrıtanııanyń Halyqaralyq damý departamenti) qyzmetine shaqyryldy. 1988 jyly Vashıngtonǵa ketip, eki jyl boıy Dúnıejúzilik bankte Ulybrıtanııadan atqarýshy dırektordyń keńesshisi boldy. Sodan keıin ol Ulybrıtanııaǵa oralyp, Halyqaralyq damý mınıstriniń jeke hatshysy boldy.

1996-1998 jj. Qarjy mınıstrliginiń birneshe departamentin, onyń ishinde bıýdjet saıasaty bólimin basqardy. Memlekettik qarajattyń jumsalýyna aýdıt júrgizdi.

1998-2000 jj. ol mınıstrler kabıneti apparatyndaǵy tıimdilik jáne ınnovatsııa bóliminiń bastyǵy boldy. Onyń bastamasymen pánaralyq jáne vedomstvoaralyq máselelerdi sheshý úshin memlekettik taldaý ortalyǵy quryldy. Sodan keıin eki jyl boıy Mınıstrler kabıneti janyndaǵy ekonomıkalyq jáne ishki ister hatshylyǵyn basqardy. Osy kezeńde ol premer-mınıstr Tonı Blermen tyǵyz jumys istedi. 2002-2007 jj. ol Halyqaralyq damý mınıstrliginde turaqty hatshy (memlekettik joǵary laýazymdardyń biri) boldy, sodan keıin 2012 jylǵa deıin Ádilet mınıstrliginde osyndaı qyzmet atqardy. Osy kezeńdegi onyń basty jetistikteriniń biri - mınıstrliktiń jumys isteýiniń jańa modelin jasaý jáne engizý. Sonyń arqasynda 1 mıllıard fýnttan astam sterlıng únemdeldi.

2012 jyly ol Eýropalyq qaıta qurý jáne damý bankiniń (EQDB) prezıdenti bolyp saılandy. Osy laýazymdaǵy jetistikterdiń arasynda ol óziniń qyzmetiniń keńeıýin ataıdy. Naqty jobalarǵa qarjy salýdan basqa, bank elderge ekonomıkalyq turaqtylyqty arttyrýǵa jáne álemdik jáne aımaqtyq ekonomıkaǵa ıntegratsııany tereńdetýge, sondaı-aq jalpy álemdik syn-qaterlerge qarsy turýǵa kómektesti. 2016 jylǵy 11 mamyrda ekinshi merzimge qaıta saılandy. Laýazymyn 2020 jyldyń 2 shildesine deıin atqardy.

Marapattardyń qatarynda «Ulttyń damýyna qosqan erekshe úlesi úshin» (eń joǵary - rytsarlyq dárejege ıe) el azamattaryna beriletin Brıtan ımperııasynyń ordeni bar.

Chakrabartı - Sasseks jáne Shyǵys Anglııa ýnıversıtetteriniń jáne Býharest ekonomıkalyq zertteýler akademııasynyń qurmetti doktory.

Ol bengal, frantsýz jáne nemis tilderin biledi.

Úılengen, áıeli - Marı Sako ulty japon, Oksfordtaǵy Saïd bıznes mektebinde menedjmentten sabaq beredi. Otbasynda bir qyz bar.

Onyń hobbıi - kitap oqý, ásirese úndi ádebıetin jaqsy kóredi. Ol Koroldik óner qoǵamynyń múshesi.

Eske sala ketsek, QR Prezıdenti Qasym-Jomart Toqaevtyń ókimimen Ser Sýmma Chakrabartı (Sir Suma Chakrabarti) Qazaqstan Respýblıkasy Prezıdentiniń ekonomıkalyq damý jónindegi shtattan tys keńesshisi bolyp taǵaıyndaldy.



Avtor Zarına Qaharman
Basty sózder: Qoǵam,
Joǵary qaraı