Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Súgirdiń 60 kúıi jınaqtalǵan kitap jaryq kórdi

2021 jyldyń 9 shilde 2021 22:08

TÚRKІSTAN. QazAqparat - Túrkistan qalasynda «Uly dalanyń uly kúıshisi» atty kezdesý is-sharasy ótti. Onda kúıshi-kompozıtor Súgir Áliulynyń muralaryna arnalǵan «Teriskeı tolǵaýlary» kitaby tanystyryldy, dep habarlaıdy QazAqparat «Áziret Sultan» memlekettik tarıhı-mádenı qoryq-mýzeıine silteme jasap.

Sharada kúıshilerdiń qazaq óneri men mádenıetine qosqan úlesin nasıhattaý, kúılerdi jańǵyrtý, zertteý máseleleri talqylandy.

«Áziret Sultan» memlekettik tarıhı-mádenı qoryq-mýzeıiniń qoldaýymen jaryq kórgen «Teriskeı tolǵaýlary» kitabynyń avtory - Qazaq Ulttyq óner ýnıversıteti «Dombyra» kafedrasynyń professory, kúıshi, Qazaqstannyń eńbek sińirgen qaıratkeri Janǵalı Júzbaı.

Kitap Qorqyt ba­ba murasynyń jalǵasy Yqylastyń shákirti, Qarataý kúıshilik mektebiniń negizin qalaýshy, kúıshi-kompozıtor Súgir Áliulynyń muralaryna arnalǵan.

Kitapta Súgirdiń 60 kúıi jáne onyń ustazdary men onyń ónegesin kórgen shákirtteriniń sırek oryndalatyn týyndylary jınaqtalǵan.




«Teriskeı tolǵaýlary» kitaby antologııalyq sıpattaǵy ádebıet bolady dep oılaımyn. Kitap arnaıy kásibı mýzykalyq bilim beretin oqý oryndaryna oqý quraly retinde, mádenı óner oshaqtaryna mýzykalyq-tanymdyq ádebıet retinde usynylady. Atalmysh eńbek Súgir kúıshiniń murasyn qurmet tutatyn barsha oqyrman aýdıtorııasynyń qajetine jaraıtyn ádebıet bolady dep úmittenemin. Kitaptyń ishinde jańalyq óte kóp. Basym bóligi buryn jarııalanbaǵan kúıler. Kitapqa zamanynda ózi ónege kórgen jáne batasyn alǵan ustazdary – Táttimbet Qazanǵapuly, Yqylas Dúkenuly, Saıdaly sary Toqa, Bapysh Qojamjaruly, Satybaldy Begaıdaruly syndy halyq kúıshileriniń týyndylary men Súgir mektebiniń ókilderi, onyń ishinde Asqar Súleımenov, Myrzataı Joldasbekov, Kóbdik Kárbozov, Jappas Qalambaev, Tólegen Mombekov, General Asqarov syndy kóptegen kompozıtorlardyń kúıleri kirdi. Súgir Áliulynyń oryndalmaǵan kúıleri óte kóp.

Revolıýtsııaǵa deıingi, sovet kezeńindegi, Sozaq kóterilisi, dala ańyzy sııaqty kúıleri birneshe taraýǵa bólinedi.

Kitapqa engen kúılerdi zerttep, izdep, notaǵa túsirý, olarǵa mýzykalyq analız jasaý sııaqty máselelerge 15 jyldaı ýaqytymdy arnadym«, - dedi kitaptyń avtory, belgili kúıshi Janǵalı Júzbaev.




Onlaın formatta ótken jıynǵa «Áziret Sultan« memlekettik tarıhı-mádenı qoryq-mýzeıi dırektorynyń mindetin atqarýshy Ersin Tájibaev,

memleket qaıratkeri Myrzataı Joldasbekov, jazýshy Qulbek Ergóbek, kúıshi Janǵalı Júzbaı, súgirtanýshy Mádı Baıdáýletov, Súgir Áliulynyń urpaǵy, nemeresi Qaldan Tursynbaev, Qurmanǵazy atyndaǵy ulttyq konservatorııasynyń professory Erjan Jámeńkeev, Shymkent mýzyka kolledjiniń aǵa oqytýshysy Marat Anashev jáne tarıhshylar men ǵalymdar, jas kúıshiler, ulttyq aspapta oınaýshylar qatysyp, oı-pikirlerimen bólisti.















Joǵary qaraı