Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sýarmaly jerden 4 ese mol jem-shóp alýǵa bolady – Pavlodar oblysynyń ákimi

2022 jyldyń 17 mamyr 2022 12:48

NUR-SULTAN. QazAqparat – Pavlodar oblysynda sút óndirý kólemin 43 myń tonnaǵa arttyratyn taǵy 8 taýarlyq-sút fermasy salynady. Bul týraly búgin Úkimet otyrysynda Pavlodar oblysynyń ákimi Ábilqaıyr Sqaqov aıtty, dep habarlaıdy QazAqparat tilshisi.

«Pavloldar oblysynda mal sharýashylyǵy qarqyndy damyp keledi. 2 jyl ishinde oblysta iri qara mal sany - 12, jylqy - 22, usaq mal 14 paıyzǵa ósti. Sondaı-aq et óndirisi - 5, sút óndirisi - 7 protsent artyp, jumyrtqa óndirisi jylyna 75 mln danaǵa deıin ulǵaıdy. Sońǵy 2 jylda óńirde taýarlyq-sút fermalary qarqyndy damyp keledi. Máselen, oblystaǵy 36 taýarlyq-sút fermanyń 13-i nemese árbir úshinshi ferma sońǵy 2 jylda salyndy. Nátıjesinde sút óndirisi 38 myń tonnaǵa artty. Investıtsııa kólemi 43 mlrd teńgeni qurady. Qosymsha taǵy 8 taýarlyq-sút fermasyn salý josparlanǵan. Olar sút óndirý kólemin taǵy 43 myń tonnaǵa arttyrýǵa jáne asyl tuqymdy mal basyn 10 myńǵa ulǵaıtýǵa múmkindik beredi. Qosymsha ınvestıtsııa kólemi - 37 mlrd teńge», - dedi óńir basshysy.

Onyń atap ótýinshe, mal sharýashylyǵyn damytýda negizgi faktorlardyń biri – ol jem-shóp bazasy.

«Bul másele Pavlodar oblysynda sýarmaly jerlerdi paıdalanýǵa berý arqyly sheshilip jatyr. Atap aıtqanda, 2 jyldyń ishinde 11 gektar sýarmaly jer paıdalanýǵa berilse, onyń 3,5 myń gektary nemese 35 paıyzy mal sharýashylyǵyna arnalǵan jem-shóp bazasyn daıyndaýǵa baǵyttalǵan. Máselen, 1 200 basqa arnalǵan fermany jem-shóppen qamtamasyz etý úshin 676 gektar sýarmaly jer qajet. Al sýarylmaıtyn alqaptar jaǵdaıynda osyǵan 2 900 gektar jer kerek. ıAǵnı, sýarmaly jerlerdiń tıimdiligi 4,5 ese artyq. Soǵan oraı sýarmaly jerlerdiń jem-shóp ónimdiligi 4,5 ese joǵary. Atap aıtqanda, sýarylmaıtyn 1 gektar jerden alynatyn ónim quny 300 myń teńge ǵana bolsa, sýarmaly jerden alynatyn ónimdilik 1,3 mln teńgeni quraıdy. Bul 4,3 esege kóp», - dedi Ábilqaıyr Sqaqov.


Joǵary qaraı