Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sý resýrstaryn basqarýdyń jeke memlekettik organy qurylmaıdy - Úkimet

2022 jyldyń 22 mamyr 2022 18:52

NUR-SULTAN. QazAqparat – QR Premer-Mınıstri Álıhan Smaıylov sý sharýashylyǵy saıasatyn jetildirýge jáne jeke memlekettik organ qurýǵa qatysty senatorlardyń depýtattyq saýalyna jaýap berdi, dep habarlaıdy QazAqparat tilshisi.

«Qazirgi ýaqytta jańa Sý kodeksi ázirlenip jatyr, onda eldiń sý resýrstary áleýetin saqtaý úshin sý resýrstaryn lastanýdan jáne sarqylýdan qorǵaý negizgi normalarmen aıqyndalatyn bolady. Bul rette jańa kodekste sý resýrstaryn, sondaı-aq gıdrotehnıkalyq qurylystardy basqarýǵa jáne olardyń qaýipsizdigin qamtamasyz etýge qatysty quqyqtyq qatynastardy jeke normatıvtik quqyqtyq aktige bólip shekteý josparlanyp otyr», - delingen Úkimet basshysynyń jaýabynda.

Málim etkenindeı, sý qaýipsizdigin qamtamasyz etý boıynsha usynystar paketi ázirlendi. Oǵan transshekaralyq ózender boıynsha kelissózder protsesinde Qazaqstannyń pozıtsııasyn kúsheıtý, ýákiletti organnyń, sondaı-aq onyń vedomstvolyq baǵynysty jáne ǵylymı uıymdarynyń kadrlyq áleýetin arttyrý máseleleri kirdi.

«Ony Úkimet pen Prezıdent Ákimshiligi qaraıtyn bolady. Budan bólek, qazirgi ýaqytta sý resýrstaryn basqarý jónindegi jeke memlekettik organ qurý josparlanbaǵanyn atap ótemiz», - dedi Á. Smaıylov.

Budan buryn habarlanǵandaı, 2023 jyly jańa Sý kodeksiniń jobasy Parlamentke engiziledi.

Bıyl aqpan aıynda QR Prezıdenti Qasym-Jomart Toqaev Úkimetke klımattyń ózgerýi men shekaralas elderdiń saıasatyn eskeretin jańa Sý kodeksin ázirleýdi tapsyrdy.


Joǵary qaraı