Aýa raıy
Astana -3 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Strasbýrg týrnırinde Zarına Dııastyń soqqysy úzdik dep tanyldy

2020 jyldyń 22 qyrkúıek 2020 11:10

NUR-SULTAN. QazAqparat – Strasbýrg WTA týrnıriniń alǵashqy kúni boıynsha qazaqstandyq Zarına Dııastyń soqqysy úzdik dep tanyldy, dep habarlaıdy QazAqparat tilshisi.

Keshe úsh saǵattan astam ýaqytqa sozylǵan asa tartysty matchta qazaqstandyq tennısshi amerıkalyq Krıstına Makheılmen aıqasqan bolatyn.

Úshinshi, sheshýshi partııada taı-breıkte Zarına 5:3 esebimen alda turǵan kezde qarsylasy dop berdi. Mine, osy sátte sheberlik tanytqan Z.Dııas korttan shyǵyp bara jatqan dopty qaıtaryp úlgerdi. Sóıtip mını-breık jasap, eń sheshýshi sátte sátti oınaı bildi. Sodan keıin ózi dop bergende, taı-breıkti de, tutas matchty da jeńispen aıaqtaı aldy.

Zarına ekinshi aınalymda erteń dúnıejúzilik reıtıngte 83-satyda turǵan japonııalyq Nao Hıbınomen sheberlik baıqasady.

Qazaqstannyń birinshi, álemniń 18-raketkasy Elena Rybakına búgin Strasbýrgte ekinshi aınalymda reıtıngte 52-orynda turǵan frantsııalyq Alıze Kornemen kortqa shyǵady.

Erler arasynda Qazaqstannnyń birinshi, álemniń 56-raketkasy Aleksandr Býblık júlde qory 1,7 mln eýrodan asatyn Gambýrg týrnırine qatysatyn boldy.

Munda alǵashqy aınalymda álemniń 13-raketkasy, argentınalyq Dıego Shvartsman reıtıngte 44-oryndaǵy ıspanııalyq Albert Ramospen oınaýy tıis edi. Alaıda keshe Rım masters týrnıriniń fınalynda álemniń 1-raketkasy, serbııalyq Novak Djokovıchten utylǵan D.Shvartsman Gambýrgke kelmeı qaldy da, ornyna osy jarystyń irikteý saıystarynyń fınalynda jeńilip qalǵan A.Býblık shaqyryldy. Bul – endi A.Ramospen synǵa túsetin qazaqstandyq tennısshi úshin berilip otyrǵan jaqsy múmkindik.

Taǵy bir qazaqstandyq Dmıtrıı Popko Rolan Garros týrnıri irikteý saıystarynyń jartylaı fınalynda germanııalyq Oskar Otttemen kezdesedi. Ony utsa, irikteý saıysynyń fınalyna shyǵady.

Eske sala keteıik, budan buryn D.Popkonyń Rolan Garros dodasynyń irikteý saıysyn sátti bastaǵanyn, Z.Dııastyń ekinshi aınalymǵa shyqqanyn jazǵan bolatynbyz.


Avtor Eljan Eraly
Basty sózder: Sport,
Joǵary qaraı