Aýa raıy
Astana 5 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

STOP trafık: Úsh kúnde adam saýdasyna qatysty 50 qylmys anyqtaldy

2020 jyldyń 21 qyrkúıek 2020 13:31

NUR-SULTAN. QazAqparat – Qazaqstanda «STOP trafık» operatsııasy júrgizilip, adam saýdasyna qatysty 50-den astam qylmys anyqtaldy, dep habarlaıdy QazAqparat tilshisi.

Bul týraly QR ІІM Krımınaldyq polıtsııa departamentiniń basshysy Dýman Taev aıtyp berdi.

«Ótken aptada elimizde aýqymdy «STOP trafık» operatsııasy júrgizildi jáne úsh kúnde polıtsııa qyzmetkerleri adam saýdasyna qatysty 50-den astam qylmysty anyqtady. Onyń ishinde 1 fakt kámelet jasqa tolmaǵan bala saýdasy, 2 fakt – adam saýdasy, 3 fakt – qara jumys pen seksýaldyq quldyq úshin bas bostandyǵynan aıyrý, 6 fakt – jezókshelikke tartý jóninde tirkelgen. Al jezókshelik pen jeńgeıtaılyq ornyn uıymdastyrý boıynsha 40-qa jýyq oqıǵa anyqtaldy», - dedi departament basshysy mınıstrlik uıymdastyrǵan aptalyq brıfıngte.

Odan bólek, jezókshelik pen jeńgeıtaılyq úshin qasaqana mekeme usynylǵany úshin 14 ákimshilik quqyqbuzýshylyq tirkeldi. Al qyryndaý men tıisý boıynsha 184 ákimshilik is qozǵalǵan.

Aıta keteıik, Qazaqstanda 1200 adam iz-tússiz joǵalǵandar sanatynda tur.

Qazaqstanda jyl saıyn 80-ge jýyq turǵyn adam saýdasynyń qurbany bolady. Jyl saıyn adam saýdasyna qatysty 180-ge jýyq is qozǵalady. Mundaı qylmys karantın kezinde de tirkelgen.



Avtor Aıjan Serikjanqyzy
Basty sózder: QR ІІM, Qylmyspen kúres,
Joǵary qaraı