Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Stepnogorda er adam dámhanada asqa shashalyp kóz jumdy

2021 jyldyń 20 qyrkúıek 2021 18:25

KÓKShETAÝ. QazAqparat - Stepnogorde er adam dámhanada asqa shashalyp kóz jumdy, dep habarlaıdy QazAqparat tilshisi oblystyq densaýlyq saqtaý basqarmasynyń baspasóz qyzmetine silteme jasap.

Vedomstvonyń málimetinshe, oqıǵa qyrkúıektiń 19-da saǵat 19:50 shamasynda bolǵan. Bul týraly jedel járdem qyzmetine áıel adam habarlasyp aıtqan.

«Saǵat 19:58-de 102 nómirine áıel adam qońyraý shalyp, «Shashlykov» dámhanasynda er adamdyń jaǵdaıy kúrt nasharlap, túri bozaryp bara jatqandyǵyn aıtqan. Sonymen birge, ol er adamdy óz kóligimen aýrýhana alyp ketkendigin, jolda olardy jedel járdem brıgadasy kútip alýyn suraǵan», - delingen aqparatta.

Alaıda, keıbir basylymdar men áleýmettik jeli qoldanýshylar jedel járdem qyzmetiniń shaqyrý boıynsha kelmegenin aıtyp, synaýda.

«Qalada táýlik boıy jumys isteıtin jalǵyz ǵana dıspetcherlik beket bar. Onda saǵat 19:10 jáne 20:00 aralyǵynda 103 nómirine 13 ret qońyraý shalynǵan. Dıspetcher qońyraýdy tirkedi, biraq brıgada jolǵa shyqqan joq. Óıtkeni 20:00-de aýrýhanadan habarlasyp, er adamnyń denesi jetkizilgenin habarlady. Qazirgi kezde, osy oqıǵaǵa baılanysty qyzmettik tekseris júrgizilýde», - dep tolyqtyrdy vedomstvodan.


Avtor Aslan Ospanov
Basty sózder: Aımaq, Aqmola oblysy, Oqıǵa,
Joǵary qaraı