Aýa raıy
Astana -14 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

SpaceX navıgatsııalyq jerserigin ushyrýdy 2 sekýnd qalǵanda keıinge qaldyrdy

2020 jyldyń 3 qazan 2020 18:50

NUR-SULTAN. QazAqparat – Amerıkanyń SpaceX kompanııasy juma kúnge josparlanǵan úshinshi býyn GPS navıgatsııalyq júıesiniń Falcon 9 zymyran-tasyǵyshyn ushyrýdy keıinge qaldyrdy. Bul týraly QazAqparat TASS agenttigine silteme jasap habarlaıdy.

Florıda shtatynyń Kanaveral múıisinindegi ǵaryshaılaǵynan ushyrý AQSh shyǵys jaǵalaýynyń ýaqyty boıynsha saǵat 21:43-ke josparlanyp, ushyrýǵa eki sekýnd qalǵanda keıinge qaldyryldy.

«Ushyrý búgin júzege asyrylmaıdy. Mıssııa úshin túsirilgen ýaqytsha tereze 15 mınýttan soń jabylady. Biz bolǵan oqıǵanyń mán-jaıyn anyqtaýdamyz», - dedi SpaceX kompanııasynyń ókili.

Kompanııa tasyǵyshtyń qyzmetin atqarǵan birinshi satysyn Jerge qaıtarýdy josparlaǵan. Satyny birqalypty túsirý úshin Atlant muhıtynda, Florıda shtatynyń jaǵalaýyna jaqyn ornalasqan Just Read the Instructions qalqymaly platforma daıyndaldy. Zymyran satylaryn kóp ret paıdalaný Ilon Mask kompanııasyna apparattardy orbıtaǵa ushyrý baǵasyn arzandatýǵa múmkindik berip otyr.

AQSh GPS júıesiniń úshin jerserigin ushyrýdy josparlaǵan. Qazirgi kezde amerıkandyq GPS tobyna 30-dan astam apparat kirip otyr. Úshinshi býyndy GPS-tiń birinshi jerserigi 2018 jyldyń jeltoqsan aıynda, ekinshisi – 2019 jyldyń tamyzynda ushyrylǵan.


Basty sózder: Álem, Ǵarysh,
Joǵary qaraı