Aýa raıy
Astana -14 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Space X kompanııasynyń 60 spýtnıgin ushyrý keıinge shegerildi

2020 jyldyń 23 qarasha 2020 12:10

NUR-SULTAN. QazAqparat – 23 qarashaǵa josparlanǵan Starlink ǵalamdyq ınternet jelisi spýtnıkteriniń jańa partııasyn ushyrý keıinge shegerildi, dep habarlaıdy QazAqparat.

Bul týraly Kanaveral múıisinen jasalǵan tikeleı efır kezinde belgili boldy.

Space X kompanııasy áleýmettik jelilerdegi habarlamasynda jaǵdaıdy bylaı túsindirdi:

«Biz Starlink mıssııasyn búgin iske qospaýdy uıǵardyq. Zymyran men júktemede aqaý joq, tek qosymsha ýaqytty komandalar derekterdi taldaýdy aıaqtaýǵa paıdalanady. Qazir aýa raıynyń qalpyna kelýin eskere otyryp, ol 23 qarasha saǵat 21:34-te ushyrylady».

Bul Nur-Sultan ýaqytymen 24 qarasha kúngi 08:34-ke tuspa-tus keledi. SpaceX arnasynda ushyrylymdy tikeleı efırde kórsetý áli de josparda bar.

Starlink – SpaceX kompanııasy ınternet senimsiz, qymbat nemese múldem joq jerlerde joǵary jyldamdyqty qamtamasyz etetin ǵalamdyq spýtnıktik júıe.

Jobany ázirleý 2015 jyly bastaldy. 2017 jyly SpaceX 2020 jyldardyń ortasyna qaraı Jer orbıtasyna shamamen 12000 spýtnıkti ushyrýǵa arnalǵan normatıvtik qujattardy usyndy.

SpaceX 2020 jyly AQSh-tyń soltústiginde jáne Kanadada, al 2021 jylǵa qaraı búkil álemde kommertsııalyq Internetke qol jetkizýdi josparlap otyr.

Jobany iske asyrý úshin ınvestıtsııanyń jalpy somasy $10 mlrd-qa baǵalanady.

SpaceX sondaı-aq osy júıeni paıdalanatyn spýtnıkterdi zertteý jáne ǵylymı maqsattar úshin satýdy josparlap otyr.


Basty sózder: Ǵarysh, Baıqońyr,
Joǵary qaraı