Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sottyń ashyqtyǵy men ádildigin qamtamasyz etý – mańyzdy basymdyq - Prezıdent

2022 jyldyń 19 mamyr 2022 18:57

NUR-SULTAN. QazAqparat – Sot júıesinde sýdıalardy irikteý máselesinen bastap, tórelik prıntsıpterin retteýge qatysty birqatar reformalar qajet. Bul týraly Memleket basshysy Qasym-Jomart Toqaev otandyq bıznes ókilderimen kezdesýinde aıtty, dep habarlaıdy QazAqparat.

«Birinshi kezekte – kadr máselesi, óıtkeni sýdıalardy irikteý prıntsıpterin jetildirmeıinshe, bul baǵytta jumsalǵan kúsh túgel tıimsiz bolyp qala beredi. Qazir sot júıesinde eki myńnan astam sýdıa qyzmet etedi. Jyl basynan beri sot júıesinen emes, ózge salalardan kelgen 50 praktık-zańger sýdıa boldy. Іlgerileý bar, biraq bul - jetkiliksiz. Jumysty barynsha kúsheıtý qajet», - dedi Prezıdent.

Memleket basshysy ekinshi mańyzdy aspekt retinde sot tóreliginiń prıntsıpteri týraly aıtty. Jekemenshik pen múddeniń sotta qorǵalý kepildigi – ekonomıkany damytý men ınvestıtsııa tartýdyń, ıaǵnı eldiń jalpy alǵa jyljýyn qamtamasyz etýdiń bazalyq sharty ekenine toqtaldy.

«Qazaqstanda memlekettik jáne jekemenshik qatar moıyndalady, teń dárejede qorǵalady. Bul - Konstıtýtsııada bekitilgen qaǵıda. Alaıda, bizde is júzinde jekelegen memlekettik organdardyń múddesin qorǵaýǵa basymdyq berilip ketedi. Olar memlekettiń múddesi retinde jańsaq qabyldanady. Ákimshilik ádiletti engizý arqyly biz bul úrdiske tosqaýyl qoıa aldyq, biraq jumys áli de kóp», - dedi Memleket basshysy.

Prezıdent sot tóreliginde ádildik pen beıtaraptyqtan basqa prıntsıp bolýy múmkin emestigin aıtty.

«Sot júıesin reformalaýdyń ýaqyty keldi. Biz bul qajettilik týraly sheteldik ınvestorlardan da, óz kásipkerlerimiz ben otandastarymyzdan da estip júrmiz. Sondyqtan, jýyq arada osy baǵytta naqty ári aýqymdy sharalardy jarııa etemin», - dedi Qasym-Jomart Toqaev.


Joǵary qaraı