Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sot oryndaýshylarynyń áreketteri men áreketsizdigine qatysty aryz azaımaı tur

2022 jyldyń 28 naýryz 2022 11:41

NUR-SULTAN. QazAqparat – Sot oryndaýshylarynyń áreketteri men áreketsizdigine qatysty aryz azaımaı tur. Bul týraly Májilis tóraǵasynyń orynbasary Balaıym Kesebaeva aıtty, dep habarlaıdy QazAqparat tilshisi.

«Atqarýshylyq is júrgizý sapasyn jaqsartý boıynsha qabyldanyp jatqan zańdarǵa jáne basqa sharalarǵa qaramastan, jeke sot oryndaýshylardyń áreketterine shaǵymdardyń sany azaımaı otyr. Joǵarǵy sottyń aqparatyna sáıkes sońǵy 3 jylda sotqa berilgen shaǵymdardyń sany 10 myńnan astam boldy. Bul - ýákiletti organnyń atyna túsip jatqan shaǵymdardy esepke almaǵandaǵy kórsetkish», - dedi ol búgin Májilistegi Úkimet saǵaty barysynda.

Sonymen qatar ol depýtattardyń atyna da turaqty negizde shaǵymdar túsip jatqanyn aıtty.

«Shaǵymdardyń basym bóligi atqarýshy qujattarynyń uzaq ýaqyt boıy negizsiz oryndalmaýy, sonyń ishinde sot oryndaýshylarymen is boıynsha tıisti májbúrleý sharalaryn qabyldamaýyna qatysty. Statıstıka boıynsha sottarǵa túsken ákimshilik talap aryzdarynyń jalpy sanynyń arasynda eń kóbi – sot oryndaýshylarynyń áreketteri men áreketsizdigine qatysty ister boıynsha bolyp otyr. Sońǵy 9 aı ishinde tutastaı alǵanda, respýblıkada 6 myńnan astam talap aryz túsken», - dedi Balaıym Kesebaeva.

Onyń atap ótýinshe, shaǵymdardyń kóptigi boryshkerlerdiń sot sheshimderiniń oryndalýyn sozý maqsatynda mundaı shaǵymdardy qasaqana berýine de baılanysty bolyp otyr.

«Boryshkerdiń mundaı áreketteri ekinshi tarap quqyqtarynyń buzylýyna alyp keledi. Bizdiń maqsatymyz - zań shyǵarý sýbektisi retinde osyndaı problemalardy anyqtaý jáne sheshý», - dedi vıtse-spıker.


Joǵary qaraı