Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sot Eljan Birtanovtyń isin Bas Prokýratýraǵa qaıtardy

2022 jyldyń 28 qańtar 2022 16:44

NUR-SULTAN. QazAqparat – Nur-Sultan qalasy Saryarqa aýdandyq №2 sotynda burynǵy Densaýlyq saqtaý mınıstri Eljan Birtanov pen onyń orynbasary bolǵan Oljas Ábishevtiń isi boıynsha aldyn ala sot tyńdaýy aıaqtaldy, habarlaıdy QazAqparat tilshisi.

Aldyn ala tyńdaý qorytyndysy boıynsha, aıyptalýshy taraptyń qorǵaýshylary qoıǵan talaptar ishinara qanaǵattandyryldy. Naqtyraq aıtsaq, 141 tomnan turatyn is materıaldarymen aıyptalýshy taraptyń tolyq tanysyp úlgermedik degen ýájin jáne qylmystyq is júrgizý zańnamasynyń talaptary buzylǵanyn eskerip, sýdıa isti Bas Prokýratýraǵa qaıtardy.

«Qylmystyq is júrgizý kodeksiniń 320, 321, 323-baptaryn basshylyqqa ala otyryp, sýdıa aıtyptalýshy taraptyń qorǵaýshylary bergen E.Birtanov pen O.Ábishevtiń qylmystyq isterin prokýrorǵa qaıtarý týraly ótinishhatyn qanaǵattandyrý týraly, E.Birtanovty Qylmystyq kodekstiń 361-babynyń 4-bóligi 2-tarmaǵy, 361-bóligi 3-bóligi boıynsha kózdelgen qylmystyq quqyq buzýshylyq jasady dep aıyptaý jónindegi qylmystyq isti jáne O.Ábishevti Qylmystyq kodekstiń 361-babynyń 4-bóligi 4-tarmaǵy 2-tarmaqshasy boıynsha kózdelgen qylmystyq quqyq buzýshylyq jasady dep aıyptaý jónindegi qylmystyq isti is júrgizý zańnamasynyń eleýli buzýshylyqtaryn joıý úshin Bas Prokýratýraǵa qaıtarý týraly qaýly etedi», - dedi Nur-Sultan qalasy Saryarqa aýdandyq №2 sotynyń sýdıasy Ibragım Álkenov.

Sondaı-aq, ol Eljan Birtanovtyń advokaty N.Beısekeevtiń qorǵaýyndaǵy azamatqa qatysty bultartpaý sharasyn ózgertý týraly ótinishin qanaǵattandyrýdan bas tartty.

«E.Birtanov pen O.Ábishevke qatysty úıqamaq túrindegi bultartpaý sharasynyń merzimin isti prokýrorlarǵa tapsyrǵan sátten bastap bir aıǵa uzartý qajet», - dedi Ibragım Álkenov.

Aıta keteıik, 17 qańtarda burynǵy Densaýlyq saqtaý mınıstri Eljan Birtanovtyń ústinen qozǵalǵan qylmystyq is sotqa túskeni týraly habar taraǵan bolatyn .

Al 20 qańtarda atalmysh is boıynsha aldyn ala tyńdaý 26 qańtarda ótetini belgili boldy .

Eljan Birtanov 2020 jyldyń 3 qarashasynda bıýdjet qarajatyn ysyrap etti degen kúdikpen qamaýǵa alynǵan bolatyn.


Joǵary qaraı