Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sot Eljan Birtanovtyń advokattary bildirgen qarsylyqty qabyldamaı tastady

2022 jyldyń 26 mamyr 2022 12:26

NUR-SULTAN. QazAqparat – Densaýlyq saqtaý mınıstrliginiń burynǵy basshysy Eljan Birtanov pen onyń orynbasary bolǵan Oljas Ábishev isine qatysty ótken negizgi sot otyrysynda advokattar memlekettik aıyptaýshylar men Densaýlyq saqtaý mınıstrliginiń ókiline qarsylyq bildirdi, dep habarlaıdy QazAqparat tilshisi.

Qorǵaýshylar tarapynan sóz alǵan Erjan Birtanov zardap shegýshi taraptyń (Densaýlyq saqtaý mınıstrligi – red.) ókili Asqar Aqbaevqa narazylyq tanytty.

«Birtanovty qorǵaýshy taraptyń Aqbaev myrzaǵa qatysty suraqtary bar. Oǵan kýáger retinde densaýlyq saqtaý salasyn aqparattandyrý platformasy týraly mańyzdy málimeti bar qujatqa qol qoıǵan adam retinde suraq qoıylady. Bul jerde platformanyń 2021 jylǵy 1 qarashadaǵy tehnıkalyq jaǵdaıy týraly aktini aıtyp otyrmyn. Sot is bastalǵanda ol qujatty orys tiline aýdarýǵa jáne zertteýge mindet alǵan. Aqbaev myrza men bul qujatqa qol qoıǵan ózge de tulǵalar, ıaǵnı Densaýlyq saqtaý mınıstrligi men Respýblıkalyq elektrondy densaýlyq saqtaý ortalyǵynyń, «Erıkson Nıkola Tesla» kompanııasynyń ókilderi sotta Birtanovty qorǵaýshy taraptyń suraqtaryna jaýap berýge tıis. Osyǵan baılanysty Aqbaev myrza zardap shegýshi taraptyń ókili retinde sotqa qatysa almaıdy. Óıtkeni bir adam sot protsesine eki birdeı statýspen qatysa almaıdy. Ári kýáger, ári zardap shegýshi bolýy múmkin emes. Bul QR Qylmystyq protsessýaldyq kodeksine de, qısynǵa da syımaıdy. Mundaı qosaqtalǵan statýs múdde qaıshylyqtaryn týyndatýy múmkin», - dedi Erjan Birtanov.




Al advokat Serik Saǵalıev protsessýaldyq prokýror Sanat Talqanbaevqa qarsylyq bildirdi.

Oljas Ábishevtiń advokattary da bul ustanymdy qoldaıtynyn aıtyp, memlekettik aıyptaýshylardyń ekeýine de qarsylyq berdi.




Eljan Birtanovtyń ózi de QR Bas prokýrorynan ózine qatysty is boıynsha basqa memlekettik aıyptaýshylar usynýdy surady.

Úzilisten keıin sýdıa qorǵaýshy taraptyń talaptaryna qatysty qabyldanǵan sheshimdi málim etti.

«QR Qylmystyq-protsessýaldyq kodeksiniń 87, 88, 94-baptarynyń negizinde sýdıa qaýly qabyldady:

- Sottalýshy E.Birtanovtyń qorǵaýshysy Erjan Birtanovtyń zardap shegýshi taraptyń ókili A. Aqbaevty pootsessýaldyq isten shettetip, odan kýáger retinde qorǵaýshy taraptyń jaýap alǵyzýy týraly ótinishinen bas tartý;

- Advokat S. Saǵalıevtiń protsessýaldyq prokýrorǵa bergen qarsylyǵynan bas tartý týraly qaýly qabyldady.

Qaýly shaǵymdanýǵa jatpaıdy. Qaýlymen kelispeý týraly ýájderdi appelıatsııalyq shaǵymdar men prokýrordyń ótinishine engizýge bolady», - dedi Nur-Sultan qalasynyń №2 Saryarqa aýdandyq sotynyń sýdıasy Ibragım Álkenov.




Aıta keteıik, burynǵy densaýlyq saqtaý mınıstri Eljan Birtanov 2020 jyldyń 3 qarashasynda bıýdjet qarajatyn ysyrap etti degen kúdikpen qamaýǵa alynǵan bolatyn.

Tergeý materıaly boıynsha, Eljan Birtanov pen orynbasary Oljas Ábishevke «laýazymdyq ókiletin teris paıdalaný» arqyly memleketke 1,5 mlrd teńgeniń shyǵyny keltirgeni týraly aıyp taǵylyp otyr.

Al bıyl 12 mamyrda sot Eljan Birtanovqa qatysty qylmystyq isti toqtatýdan bas tartqan edi.




















Joǵary qaraı