Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

«Sot aktileriniń memlekettik tildegi úlgileri» jınaǵy jaryq kórdi

2020 jyldyń 28 qazan 2020 15:45

NUR-SULTAN. QazAqparat - Respýblıka sýdıalarynyń VIII sezinde «Sot aktileriniń memlekettik tildegi úlgileri» jınaǵy tanystyryldy, dep habarlaıdy QazAqparat.

Basylymdy tanystyra otyryp, joba jetekshisi Nurgúl Qaraǵoıshına qylmystyq jáne azamattyq ister boıynsha 300 sot aktilerinen jáne kólemi 700 betten turatyn jınaqty ázirleýge bir jylǵa jýyq ýaqyt ketkenin habarlady. «Jınaq materıaldaryn ǵylymı taldaý úshin ál-Farabı atyndaǵy QazUÝ-dyń Zań jáne fılologııa fakýltetteriniń ǵalymdaryna júgindik. Zań saraptamasyn aýmaqtyq organdardyń jáne Joǵarǵy sottyń sýdıalary júrgizdi», - dedi N.Qaraǵoıshına.

Kóp satyly tekserýden keıin ıÝSAID qoldaýymen kitaptyń 1 myń danasy shyǵaryldy.

«Sot aktileriniń memlekettik tildegi úlgileri» jumys barysynda paıdalaný úshin aýmaqtyq organdarǵa jiberildi.

N.Qaraǵoıshına jınaqtyń redaktsııalyq alqasy – J.Asanov, D.Ámirov, N.Sháripov, A.Merǵalıev, Ó.Ybyraev, E.Boranbaev, N.Qaıypjan, G.Dúısenbaev jáne A.Júkenovke zańgerlik saraptama júrgizýge kómekteskenderi úshin rızashylyǵyn bildirdi. B.Muhıtdenova men G.Sábıtovanyń jınaqty shyǵarýǵa qosqan úlesteri atap ótildi.

N.Qaraǵoıshınanyń aıtýynsha, sýdıalar men sot qyzmetkerleri úshin qosymsha kómekshi qural shyǵarý is júrgizý tilin jetildirýge jáne sot aktileriniń sapasyn arttyrýǵa yqpal etedi.



Basty sózder: QR Joǵarǵy soty, Sot,
Joǵary qaraı