Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Koreıada temperatýra úzdiksiz joǵarylap barady

2021 jyldyń 30 qarasha 2021 10:51

SEÝL. YONHAP-QazAqparat – Soltústik Koreıada ǵalamdyq jylyný saldarynan jylý tolqyndary men tropıkalyq túnder qatary artýda. Sonymen qatar sońǵy úsh onjyldyqta sýyq kezeńder qysqaryp jatyr. Bul týraly YONHAP agenttigi málim etti, dep habarlaıdy QazAqparat.

Koreıanyń meteorologııalyq basqarmasynyń (KMA) derekterine saı, Soltústik Koreıada jyldyq ortasha temperatýra Tselsıı boıynsha 0,4 gradýsqa kóterilgen. 1991-2000 jyldary 1981-2010 jyldarǵa qaraǵanda aýa temperatýrasy 8,9 gradýsqa joǵarylaǵan.

Agenttik Dúnıejúzilik meteorologııalyq uıym derekteriniń ǵalamdyq jelileri arqyly Soltústik Koreıadaǵy 27 baqylaý núktesinen jınaǵan temperatýra men jaýyn-shashyn týraly derekterdi paıdalandy.

Derekterge sáıkes, jyldyq ortasha temperatýra eldiń soltústik bóliginde, atap aıtqanda Ońtústik Hamgen provıntsııasyndaǵy Hamhýng jáne Ońtústik Hvanhe provıntsııasyndaǵy Hedjý qalalarynda 0,5 ° C-tan 10,8 ° C jáne 11,9 ° S-qa deıin joǵarylap, úlken aıyrmashylyq kórsetken.

Klımattyń osylaı ózgerýinen Soltústik Koreıa ortasha alǵanda jylyna tórt kún aptap ystyqty tirkep otyrǵan. Ol 33 ° C jáne odan joǵary temperatýrany belgileıdi. 30 jyl buryn bul kórsetkish bir-eki kún ǵana bolǵan.

Tropıkalyq túnder jıiligi artty. Ol 25 ° C jáne odan joǵary eń tómen túngi temperatýramen belgilenedi. Bul kórsetkish 0,5 kúnnen 1,1-ge deıin ósti.

Soltústik Koreıadaǵy jaýyn-shashyn mólsheri 1991-2020 jyldar aralyǵynda 7,7 mıllımetrge azaıdy.



Basty sózder: Álem, Ekologııa,
Joǵary qaraı