Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Soltústik Koreıada bezgek juqtyrǵandardyń táýliktik ósimi 200 myńnan tómendedi

2022 jyldyń 24 mamyr 2022 15:05

BEIJІŃ. QazAqparat – Soltústik Koreıada «bezgek» dep atalyp ketken aýrý belgileri bar naýqastardyń táýliktik ósimi úshinshi kún qatarynan 200 myńnan tómendedi. Sáýir aıynyń aıaǵynan bastap mundaı jaǵdaılardyń jalpy sany 3 mln adamǵa jýyqtady. Bul týraly Korenyń ortalyq telegraf agenttigi málim etti, dep habarlaıdy QazAqparat Yonhap-qa silteme jasap.

Agenttiktiń málimetinshe, ótken táýlikte Soltústik Koreıada 134 myń adamnan «bezgek» dep atalyp ketken aýrý belgileri anyqtalǵan. Bul rette birde-bir ólim jaǵdaıy tirkelmegen.

Sońǵy málimetterge sáıkes, sáýir aıynyń sońynan beri KHDR-da bezgek aýrýynyń belgileri bar 2,94 mln adam anyqtalǵan. Olardyń 2,54 mln-y saýyǵyp shyqsa, 400 myń adam em qabyldaýda.

«Tótenshe jaǵdaılarǵa den qoıýdyń maksımaldy deńgeıi engizilgennen keıin birneshe kúnnen soń, elde aýrý juqtyrý men ólim-jitim kórsetishi kúrt tómendedi. Emdelip shyqqandardyń sany artty. Bul pandemııany tıimdi ustap turýǵa, jaǵdaı turaqtylyǵyn saqtaýǵa múmkindik berdi», - delingen agenttik habarlamasynda.

Eske sala keteıik, 12 mamyrda Soltústik Koreıa bıligi el aýmaǵynda koronavırýstyń anyqtalǵanyn resmı málimdegen bolatyn.


Basty sózder: Densaýlyq, Koronavırýs, Álem,
Joǵary qaraı