Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstanǵa 5 myńnan astam adam kóship keldi

2018 jyldyń 19 qarasha 2018 13:24

PETROPAVL. QazAqparat - Soltústik Qazaqstan oblysynyń halqy 9 aıda kóshi-qon protsesiniń esebinen 3,3 myń adamǵa qysqarǵan, dep habarlaıdy QazAqparat tilshisi.

Statıstıka departamenti osy kezeń ishinde óńirde turaqty turýǵa 5 myńnan astam adamnyń kelgenin eseptedi. Al, ketkender sany - 8,5 myń. Soǵan qaramastan, óńirden ketý qarqyny 10%-ǵa qysqarǵan.

«TMD elderine kóshkender sany ósip, 2,5 myń adamdy qurap otyr. Al, kelgender sany 25,8%-ǵa qysqaryp, 411 adam boldy. Bizdiń oblystaǵy emıgranttar sanynyń basym bóligin Reseı qabyldap jatyr. Olar TMD-ǵa qonys aýdarǵandardyń 98% qurap otyr. TMD elderinen oblysqa kelgender ishinde de RF kósh bastaýda», - delingen departamenttiń habarlamasynda.

Soltústik Qazaqstan turǵyndary Polsha, Germanııa jáne AQSh-qa ketip jatyr. Kelgender ishinde Qytaı jáne Germanııa turǵyndary basym.

Óńiraralyq mıgratsııada Aqmola oblysy men Astana qalasy kósh bastap otyr. Oblys ishinde qonys aýdarǵandar sany da aıtarlyqtaı qysqarǵan.

Joǵary qaraı