Aýa raıy
Astana -6 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstanda sýyq tıip aýyrǵandar kóbeıdi

2020 jyldyń 20 qarasha 2020 22:05

PETROPAVL. QazAqparat – Soltústik Qazaqstan oblysynda medıtsınalyq kómekke júginetinderdiń 70% jiti respıratorlyq vırýstyq ınfektsııany juqtyrǵandar, dep habarlaıdy QazAqparat tilshisi.

SQO-da koronavırýs boıynsha epıdemıologııalyq jaǵdaıǵa baılanysty ótken brıfıngte mamandar BAQ ókilderiniń suraqtaryna jaýap berdi. Jýrnalıster KVI juqtyrǵandar sanynyń artýyna ne sebep ekenin surady.

Oblystyń bas sanıtar dárigeriniń mindetin atqarýshy Arman Kúshbasovtyń aıtýynsha, koronavırýs juqtyrýshylar sanynyń artýyn PTR testpen baılanystyrý durys emes.

SQO-da 4 zerthana bar. Qazir bir táýlikte orta eseppen 1,5 myń PTR test jasalady. Ol buǵan deıin de, jazda da isteldi.

«Qarasha aıynan bastap 26 myń test jasaldy. Jalpy indet bastalǵaly 152 myńnan astam adam tekserildi. Onyń 3,5% testi oń nátıje kórsetken. Bul - barlyq oblys turǵyndarynyń 27%. Qazir emdeý mekemelerine qaralatyndardyń 70% - jiti respıratorlyq vırýstyq ınfektsııany juqtyrǵandar. Biz 1 qazannan bastap JRVI boıynsha epıdemıologııalyq maýsymǵa kirdik. Kún sýytty. Saldarynan aýyrǵandar sany artty», - deıdi Arman Kúshbasov.

Mamannyń aıtýynsha, KVI juqtyrý jaǵdaılary syrttan – Reseı men shetelden keletinder arasynda kóp. 6 qazan men 18 qarasha aralyǵynda avtomobıl joldaryndaǵy shekara beketteri arqyly 24 myńǵa jýyq adam ótken.

Onyń tek 7 myńǵa jýyǵynda ǵana PTR test nátıjesi bolǵan. Al karantın statsıonaryna alynyp, tekserilgen 1718 adamnyń 166-synan COVID-19 anyqtaldy.


Joǵary qaraı