Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstanda kómir tıelgen tirkeme aýdaryldy

2020 jyldyń 21 qyrkúıek 2020 22:45

PETROPAVL. QazAqparat – Soltústik Qazaqstan oblysy Qyzyljar aýdanynda «KamAZ» kóliginiń júrgizýshisi aldyndaǵy kólikpen soqtyǵysýdan qashamyn dep kómir tıelgen tirkemeni aýdaryp aldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, jol-kólik oqıǵasy búgin 21 qyrkúıekte bolǵan. «KamAZ» kóliginiń 38 jastaǵy júrgizýshisi Petropavldan Esil aýdanyna bara jatqan.

Jolda baǵdarshamnyń túsine toqtaǵan aldyndaǵy kólikpen soqtyǵyspas úshin ol júk kóliginiń tejegishin basqan. Kenetten jasaǵan tejeýdiń saldarynan kómir tıelgen tirkeme aýdarylyp ketip, jol shetindegi metall qorshaýǵa zaqym keldi.





Oqıǵa ornyna kelgen tártip saqshylary jol-kólik oqıǵasy boıynsha materıal jınap, apattyń saldaryn joıý úshin jedel túrde tıisti sharalar qabyldady.

«Qazaqavtojol» JShS jumysshylary birneshe saǵat ishinde zaqymdanǵan qorshaýdy qalpyna keltirdi.

Polıtseılerdiń aıtýynsha, shyǵyn kólemi anyqtalǵan soń ákimshilik is sotqa jiberiledi.


Joǵary qaraı