Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Soltústik Qazaqstanda daýyl mekteptiń shatyryn julyp áketti

2020 jyldyń 21 qyrkúıek 2020 17:17

PETROPAVL. QazAqparat – Soltústik Qazaqstan oblysynda daýyl turyp, Sergeevka qalasyndaǵy qazaq mektebiniń shatyryn julyp ketti, dep habarlaıdy QazAqparat tilshisi.

SQO tótenshe jaǵdaılar departamenti baspasóz qyzmetiniń málimetinshe, oqys oqıǵa Shal aqyn aýdany Sergeevka qalasynda 20 qyrkúıek kúni saǵat 19.00 shamasynda bolǵan.

Daýyl turyp, qatty jel Maldybaev kóshesi, 11 mekenjaıynda ornalasqan ǵımarattyń shatyryn julyp áketken.

«Jeldiń qýaty sekýndyna 28 metr bolǵan. Qazaq orta mektebiniń «proflıstpen» jabylǵan shatyry daýylǵa tótep bere almaı, julynyp ketken. Jalpy aýmaǵy 1 myń 300 sharshy metr bolsa, sonyń jartysyna jýyǵy zaqymdanǵan. Biraq bul oqý protsesine áser etken joq. Qaza tapqandar, zardap shekkender joq. Qazirgi tańda kelgen shyǵyn mólsheri anyqtalyp jatyr», - deıdi SQO TJD bastyǵynyń orynbasary Nurlan Atyǵaev.

















Joǵary qaraı