Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO turǵyndarynyń 67 paıyzy koronavırýsqa qarsy vaktsına saldyrdy

2021 jyldyń 14 qyrkúıek 2021 15:21

NUR-SULTAN. QazAqparat – Soltústik Qazaqstan oblysy ákiminiń orynbasary Asqar Saqypkereev óńirdegi vaktsınalaý jumystary týraly aıtyp berdi, dep habarlaıdy QazAqparat tilshisi.

«Halyqty vaktsınalaý jumystary jalǵasýda jáne biz oń nátıje kórip otyrmyz. Jyl basynan beri oblysqa 289 myń doza 1 komponent jáne 277 myń doza 2 komponent jetkizildi. Vaktsınalaý naýqanyna 102 ekpe kabıneti, 62 jyljymaly brıgada, 8 jyljymaly medıtsınalyq keshen jumyldyryldy», - dedi spıker Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, qazirgi ýaqytta tolyq kýrsty 209 myń adam nemese 67% aıaqtady. Halyqtyń 75%-y (232 myń) vaktsınanyń birinshi dozasyn saldyrdy.

«1200 adam vaktsınanyń 2 komponentin alǵannan keıin de aýrý juqtyrǵan. Bul vaktsına saldyrǵan adamdardyń 0,56% quraıdy. Atalǵan 1200 adamnyń 47%-y ǵana statsıonarlyq emge jatqyzyldy», - dedi A. Saqypkereev.


Joǵary qaraı