Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

SQO turǵyndary bir kúnde ınternet-alaıaqtarǵa 5 mln teńgelerin berip qoıǵan

2021 jyldyń 6 jeltoqsan 2021 21:55

PETROPAVL. QazAqparat – Alaıaqtar Soltústik Qazaqstan turǵyndarynan bir kúnde 5 mln teńge aldap alǵan. Bul týraly Polisia.kz saıty jazdy, dep habarlaıdy QazAqparat tilshisi.

«Ótken senbide birden 6 ınternet-alaıaqtyq tirkeldi. Eki jaǵdaıda «banktiń qaýipsizdik qyzmetinen qońyraý shalý» shemasy qoldanylǵan. Bul – aldaýdyń eń kóp taralǵan ádisteriniń biri. Alaıaqtar jábirlenýshilerdi shotyndaǵy aqshaǵa qaýip tónip turǵany týraly jalǵan aqparat aıtyp qorqytady. Budan keıin shot ıesinen JSN, bank kartasynyń nómiri jáne CVV-kody, sms arqyly keletin bir rettik kirý paroli sııaqty derekterdi suraıdy», - dep jazady QR ІІM saıty.

Alaıaqtardyń aıtqanyna senip, úlken somada nesıe alyp, ony basqa shotqa aýdaratyn ańqaý turǵyndar da bar kórinedi.

«Bireýdiń atyna nesıe alý da eń kóp taraǵan alaıaqtyq shemalarynyń biri. Dál osyndaı alaıaqtyqqa tap bolǵan Petropavl turǵyny 2,5 mıllıon teńge shyǵyn shekti. Turmystyq tehnıka satylatyny týraly habarlandyrýda kórsetilgen nómirdiń ıesi aldyn ala tólem jasaý úshin búkil bank rekvızıtterin aıtý qajet degen shart qoıady. Osylaı ol jyldar boıy jınaǵan aqshasynan aıyrylyp qaldy. Oblys turǵyndaryna ózderiniń jeke jáne qarjylyq málimetterin eshkimge senip tapsyrmaý, aıtpaý kerektigin eskertemiz», – deıdi SQO Polıtsııa departamenti krımınaldyq polıtsııa basqarmasynyń bastyǵy Marat Jumalıev.


Joǵary qaraı