Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

SQO turǵyndary bas polıtseıge qandaı aryz-shaǵymmen júgindi

2020 jyldyń 27 qarasha 2020 10:56

PETROPAVL. QazAqparat – Soltústik Qazaqstan oblysy polıtsııa departamentiniń basshysy Marat Tólebaev turǵyndardy onlaın qabyldap, ár ótinish boıynsha jan-jaqty tekserý júrgizýge tapsyrma berdi, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, jyl basynan óńirdiń bas polıtseıiniń jeke qabyldaýynda 159 adam bolǵan.

Bul joly «Azamattarǵa arnalǵan qabyldaý bólmesi» alańynda 5 adam onlaın formatta óz muqtajdyqtarymen bólise aldy.

Olar negizinen sotqa deıingi tergeý faktileri boıynsha júgindi.

«Kelip túsken ár ótinish boıynsha jan-jaqty tekserýler júrgizý qajet. «Halyq únine qulaq asatyn memleket» prıntsıpi ár basshynyń basty ustanymyna aınalýy tıis. Bizdiń mindetimiz – azamattardyń zańdy múddelerin qorǵaýǵa baǵyttalǵan ádil tergeýdi qamtamasyz etý. Onlaın-qabyldaýlar ótkizý tájirıbesi indet bastalǵaly uıymdastyrylyp keledi. Bul shekteý sharalaryna qaramastan, ashyqtyq pen qoljetimdilikti qamtamasyz etip, halyqpen baılanysta bolýǵa múmkindik beredi», - deıdi SQO polıtsııa departamentiniń basshysy Marat Tólebaev.

Óńirdiń bas polıtseıine habarlasqandardyń biri – Petropavldyń 47 jastaǵy turǵyny. Ol mashına satyp alýǵa kómektesemin degen Almaty oblysynyń turǵynyna 300 myń teńge aqsha aýdarǵan.




Alaıda ýáde etilgen kómek kórsetilmegen. Endi bir jyldan beri aqshasyn qaıtara almaı júr. Sotqa deıingi tergeý merzimi toqtatylǵan.

Marat Tólebaev tergeýdiń tolyqtyǵyn qamtamasyz etip, qylmystyq isti qaıta qaraýdy tapsyrdy. Ońtústik óńirdiń turǵyny anyqtalyp, jaýap alynady.

Barlyq qajetti jedel-tergeý is-sharalardyń nátıjesinen keıin ǵana protsestik sheshim qabyldanatyn boldy.

Taǵy bir oblys turǵyny kórshisimen janjaldasyp qalǵan. Alaıda osy máselege qatysty shyǵarylǵan sheshimmen kelispeıdi.

Vedomstvo basshysynyń tapsyrmasy boıynsha oblystyq polıtsııa qyzmetkerleri Taıynsha aýdanyndaǵy aýyl sharýashylyq tehnıkasyna qatysty kórshiler daýy boıynsha qosymsha tergeý amaldaryn júrgizýi qajet.

Sondaı-aq, bul kúni aýmaqtyq polıtsııa bólinisteriniń basshylary da qashyqtan qabyldaý ótkizdi. Oǵan 50 adam óz ótinishterimen júgindi.








Joǵary qaraı